ئینتەر میلان هەوڵی گواستنەوەی كومانی دەدات

  2020-11-17 15:06      106 جار بینراوە        کۆمێنت

ئینتەر میلانی ئیتاڵی چاودێری ئەستێرەیەكی هێڵی ناوەند ی دەكات، كە بوەتە جێگەی بایەخی كومان و یەكێكە لە ئامانجەكانی ئەو راهێنەرە لە پێناو بەهێزكردنی هێڵی ناوەندی یانەكەیان.
رۆناڵد كومانی راهێنەری یانەی بەرشەلۆنە یەكێك لە ئامانجەكانی گواستنەوەی جۆرجینۆ فیناڵیدۆمی یاریزانی یانەی لێڤەرپوڵ بوو، بەڵام بەهۆی سوربوونی یانەی لێڤەرپوڵ بۆ مانەوەی ئەو یاریزانە گواستنەوەی تا هاوینی دواكەوت.
رۆژنامە توتۆ سپۆرتی ئیتاڵی ئاشكرایكردوە ، كە یانەی ئینتەر میلانی ئیتاڵی گواستنەوەی ئەو یاریزانەیان خستۆتە پلانەكانی داهاتویان و دەیانەوێت لە مێركاتۆی هاوینەدا ئەو یاریزانە بۆ یانەكەیان بگوازنەوە.
هۆكاری گرنگی پێدانی ئەو یاریزانە هۆڵەندییە لە لایەن یانەی ئینتەر میلانەوە بۆ كۆنتی راهێنەر دەگەڕێتەوە، كە ئەو راهێنەرە بە تواناكانی ئەو یاریزانە تەمەن 30 ساڵە سەرسامە و دەیەوێت بەهۆی فیناڵیدۆمەوە ریزەكانی یانەكەی بەهێزتر بكات.
كۆتایی ئەم وەرزە گرێبەستی ئەو یاریزانە لەگەڵ یانەی لێڤەرپوڵ كۆتایی دێت و لەگەڵ ئەوەشدا ئەو یاریزانە دەیەوێت ئەزمونێكی نوێی یاریكردن تاقیبكاتەوە.

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو