د.سۆران جەمال تاهیر: بەڵێن دووپاتدەكەینەوە كاردەكەین لەپێناو پارێزگاریكردن لەڕێبازی پیرۆزی شەهیدان و خزمەتكردنی كەسوكاریان

  2020-11-21 16:39      118 جار بینراوە        کۆمێنت

د.سۆران جەمال تاهیر ئەندامی مەكتەبی سیاسی یەكێتیی نیشتمانیی كوردستان لەڕۆژی شەهیدانی یەكێتی رایدەگەیەنێت: لەم رۆژەدا بەڵێن دووپاتدەكەینەوە بەهەموو توانایەكمانەوە كاربكەین لەپێناو پارێزگاریكردن لەڕێبازە پیڕۆزەكەیان و بەدیهێنانی هیواو ئاواتەكانیان.
د. سۆران جەمال تاهیر دەڵێت: ئەمڕۆ رۆژی شەهیدی یەكێتی و یادكردنەوەی گیانفیداكارانی گەل و نیشتمانە، رۆژی بەرزڕاگرتنی سەروەرانی كوردستانە، كە رۆح و گیانیان بەخشیوە لەپێناو پاراستن و پارێزگاری لەخەڵك و خاكی كوردستان، دەشڵێت: ‎یەكێتی هەر لەسەرەتای دامەزراندنییەوەو لەهەموو وێستگەكانی شۆڕشی چەكداری و راپەرین و زیندان و رزگاركردنی عیراق و شەڕی داعشدا، هەمیشە لەپێشەنگی كاروانی خەبات و قوربانداندا بووە، لەپێناو كۆتایی هێنانی بەحوكمی رژێمی دیكتاتۆری و پاراستنی ئازادی و دیموكراسی و مافی مرۆڤ.
ئاماژە بۆ ئەوەشدەكات، خزمەتكردنی كەسوكاری شەهیدان، ئەركی سەركردایەتی نوێی یەكێتییەو لەچوارەمین كۆنگرەی یەكێتیدا بەڵێنی زیاتر خزمەتكردن بەكەسوكاری شەهیدان دراوە، لەسەر رێبازی پیرۆزی سەرۆك مام جەلال، كەهەمیشە جەختی دەكردەوە و دەیوت "ئەوەی بەدەستهاتووە بەری رەنجی خوێنی شەهیدەكانی یەكێتییە"، بۆیە ئەم رۆژە لەبیرو هزرو یادەوەری جەماوەرو خەڵكی كوردستان و بەتایبەت لەلای یەكێتییەكاندا، جیاوازە لەهەر رۆژێكی تر.
راشیدەگەیەنێت: بۆ یادی 20000 شەهیدی یەکێتی.. ‎‎سەری رێزو نەوازش بۆ شەهیدانی یەكێتی و گەلەكەمان بەگشتی دادەنوێنم و بەڵێن دووپاتدەكەینەوە كە بەهەموو توانایەكمانەوە كاربكەین لەپێناو پارێزگاریكردن لەڕێبازە پیڕۆزەكەیان و بەدیهێنانی هیواو ئاواتەكانیان، بەدەستەبەركردنی ئازادی سەرتاسەری ، مافی چارەی خۆنوسین بۆ گەلی كوردستان، مافی مرۆڤ وگرتنەبەری هەموو رێکارەکان بۆ دابینکردنی ژیان و گوزەرانی هاوولاتیان بەگشتی وکەسوکاری شەهیدان بەتایبەت.

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو