وەرزشكردن تووشبون بە نەخۆشییە دەروونییەكان كەمدەكاتەوە

  2020-11-21 17:53      65 جار بینراوە        کۆمێنت

دەستەی پزیشكانی ئەمریكی بۆ رووبەڕووبوونەوەی دڵەڕاوكێ و خەمۆكی رایدەگەیێنێت پەیوەندییەكی بەهێز هەیە لەنێوان كەمی چالاكی رۆژانە و تووشبوون بە گرفتەكانی پەیوەست بە خەمۆكی و دڵەڕاوكێ.

پزیشكە ئەمریكییەكان دەڵێن لەنێو 150 هەزار كەس كە لە توێژینەوەیەكدا بەدواداچوونیان بۆ كردوون، دەركەوتووە چالاكی رۆژانە و بەهێزی ماسولكەكان رۆڵی زۆری هەیە لە بەهێزكردن و باشتركردنی دەرووندروستی، هاوكات دووربوون لە گرفتە دەروونییەكان.
بەگوێرەی پزیشكە ئەمریكییەكان لە دەستەی پزیشكانی ئەمریكی بۆ رووبەڕووبوونەوەی دڵەڕاوكێ و خەمۆكی 18.1٪ی خەڵكی ئەمریكا لەماوەی ساڵی رابردوودا تووشی دڵەڕاوكێ بوون، هەروەها بەگوێرەی پەیمانگەی نیشتمانی دەرووندروستی لە ئەمریكا 7.1٪ی خەڵكی وڵاتەكە تووشی خەمۆكی بوون.
گرفتە دەروونییەكان هاوشێوەی گرفتە جەستەییەكان كاریگەری نەرێنی زۆریان لەسەر ژیانی مرۆڤ دەبێت، مەترسیی تێكدانی كوالێتی ژیانی مرۆڤەكە زیاددەكەن، دەریشكەوتووە خەمۆكی و دڵەڕاوكێ زۆرترین كاریگەری نەرێنییان لەسەر ژیانی مرۆڤەكان دەبێت.
دەریشكەوتووە چالاكی رۆژانە و وەرزشكردن، هەروەها بەهێزی ماسولكەكان یارمەتیدەرن بۆ دووربوون و كەمكردنەوەی گرفتە دەروونییەكان.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو