هالاند بووە باشترین یاریزانی جیهان

  2020-11-21 22:40      96 جار بینراوە        کۆمێنت

ئێرلینگ هالاند، ئەستێرەی گەنجی نەرویجی و یانەی بۆرووسیا دۆرتموند خەڵاتی گۆڵدن بۆی، باشترین یاریزانی لاو لەسەر ئاستی جیهان بردەوە، كە لەلایەن رۆژنامەی توتۆ سپۆرتی ئیتالییەوە دەدرێت.
رۆژنامە ئیتالییەكە لە بەیاننامەیەكی فەرمیدا، ناوی هالاندی وەك براوەی خەڵاتەكە راگەیاند، كە دەدرێتە یاریزانانی خوار 21 ساڵان و ئەو یاریزانە بووە یەكەم نەرویجی خەڵاتەكە بباتەوە.
ئانسۆ فاتی، هێرشبەری ئیسپانی و یانەی بارسێلۆنا، پلەی دووەمی بەدەستهێنا، ئەلفۆنسۆ دەیڤز، بەرگریكاری بایرن میونشن لە پلەی سێیەم هات، جادۆن سانچۆ پلەی چوارەمی بەدەستهێنا و ئیدواردۆ كاماڤینگاش پلەی پێنجەمی بردەوە.
هێرشبەرەكەی دۆرتموند، دوای ئەو ئاستە بەرزەی لە وەرزی رابردوودا پێشكێشیكرد توانیی پێش هەموو ركابەرەكانی بكەوێت و خەڵاتەكە بباتەوە.
هالاند لە وەرزی 2020-2019 لە رێدبوڵ سالزبورگ و بۆرووسیا دۆرتموند، لەگەڵ هەڵبژاردەی نەرویجیش ئاستێكی بەرزی پێشكێشكرد و بەشێوەیەكی گشتی 44 گۆڵی تۆماركرد.


  

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو