ماچەكانی ئێمباپێ ریال مەدرید دەترسێنن

  2020-11-23 09:45      164 جار بینراوە        کۆمێنت

ماچەكانی كیلیان ئێمباپێی ئەستێرەی فەرەنسی یانەی پاریس سانجێرمان لە یاری مۆناكۆدا بەرپرسانی یانەی ریال مەدریدی ئیسپانیان ترساندووە.

ئێمباپێ لە یاری لووتكەی خولی فەرەنسادا، كاتێك گۆڵێكی لە مۆناكۆ كرد، لۆگۆی پاریس سانجێرمانی سەر درێسەكەی ماچ كرد، بەر لەوەی ناوبژیوان گۆڵەكەی رەتبكاتەوە.
لە هەمانكاتدا بەرپرسانی یانەی پاریس سانجێرمانیش هیوایان ماوە هێرشبەرەكەیان بەوە رازی بكەن گرێبەستەكەی نوێ بكاتەوە.
كیلیان ئێمباپێ، تەمەن 21 ساڵان، یەكێكە لە ئامانجە سەرەكییەكانی ریال مەدرید لە مێركاتۆی هاوینی داهاتوودا، كە ماوەی گرێبەستەكەی لەگەڵ یانەی پاریسی لە هاوینی 2022 كۆتاییدێت و تاوەكو ئێستا یاریزانەكە رازی نەبووە گرێبەستەكەی نوێبكاتەوە.
سەرچاوەیەكی نزیك لە یانەی ریال مەدرید ئاشكرایكرد، ماچكردنی لۆگۆی پاریس سانجێرمان لە لایەن ئێمباپێووە بەرپرسانی ریال مەدریدی بێزار و بێتاقەت كردووە، چونكە ئاماژەیەكە بۆ مانەوەی لەگەڵ یانەكەی.
ریال مەدرید ئامادەیە دانوستان لەگەڵ پاریس سانجێرمان دەستپێبكات، بۆ گرێبەستكردن لەگەڵ كیلیان ئێمباپێ لە هاوینی 2021، بەڵام بەرپرسانی یانەی شاهانە نایانەوێت پەلە بكەن لە ترسی ئەوەی بەو هۆكارەوە بەرپرسانی یانەی پاریسی هەوڵی زیاتر بدەن بۆ رازیكردنی ئێمباپێ بە مانەوە لە یانەكەیان.

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو