نرخی‌ نه‌وتی‌ خاو له‌بازاڕه‌كانی‌ جیهاندا به‌رزبوونه‌وه‌ی‌ زیاتری به‌خۆوه‌بینی‌‌‌‌، بەجۆرێک کە لە مانگی ئازاری‌ رابردووه‌وه‌ نەگەیشتووەتە ئەم ئاستە، ئه‌وه‌ش پاش ئه‌وه‌ی‌ كه‌ له‌ئه‌مریكا سه‌ركه‌وتنی‌ ڤاكسینی‌ دژ به‌كۆرۆنا راگه‌یه‌ندرا.
هاوکات هەر لەیەک لەوڵاتانی ئیتاڵیاو روسیاش سەرکەوتنی ڤاکسینەکانیان راگەیاندو لەئێستادا باس لەوەدەکرێت کە لەمانگی داهاتوودا لەئەمریکا ڤاکسینی دژە کۆرۆنای کۆمپانیای مۆدێرنا بەکاردەهێندرێت.
كاتژمێر 6:41 ی‌‌ ئێواره‌ی‌‌ ئه‌مڕۆ سێشه‌ممه‌ 24 ی تشرینی دووه‌م،‌ نرخی‌ هه‌ر به‌رمیلێك له ‌نه‌وتی‌ خاوی‌ برینت به‌47.70 دۆلار ‌ مامه‌ڵه‌ی‌ پێوه‌كرا‌.
نه‌وتی‌ خاوی‌ خۆرئاوای‌ تیكساسیش به‌‌ 44.75 دۆلار بۆ هه‌ر به‌رمیلێك‌ مامه‌ڵه‌ی‌ پێوه‌كرا‌. 

سه‌رچاوه‌: سایتی‌ ئێف ئێكس نیوز توده‌ی‌ 
ئاماده‌كردنی‌: فه‌ریق حەبیب