بەڕێوەبەرایەتی نەوت و كانزاكانی سلێمانی رایگەیاند، رۆژی سێشەممە پرۆسەی دابەشكردنی نەوت بەردەوام دەبێت و بۆهەر بەرمیلێك نەوتیش بڕی 44 هەزار دینار لە هاوڵاتیان وەردەگرێت.
بەڕێوەبەرایەتی نەوت و كانزاكانی سلێمانی لە راگەیەنراوێكدا  ئاماژەی بەوە كرد،،رۆژی سێشەمە 2ـی كانونی یەكەم لەشاری سلێمانی پرۆسەی دابەشكردنی نەوت لەسنوری مەڵبەندی 2   بەردەوام دەبێت، ئەم دابەشكردنە لەرێگای كارتی زیرەكەوە دەبێت و ئەوخێزانانە دەگرێتەوە كە تا ئێستا تەنها یەك بەرمیل نەوتیان وەرگرتووە بەكارتی زیرەك.
ووتیشی،پێویستە هاوڵاتیان لەگەڵ كارتی زیرەكدا، كارتی نیشتمانی یان پێناسی باری شارستانی یان رەگەزنامە (كۆپی و رەسن)ـیان پێبێت،  بەپێچەوانەوە بەشە نەوتی پێنادرێت. 
بەڕێوەبەرایەتی نەوت و كانزاكانی سلێمانی راشیگەیاند، لە ناوەندی شاری سلێمانی  مەڵبەندی 2  لەوگەرەكانەی كە پارساڵ پرۆسەكە لەو شوێنەدا وەستابوو، دەست دەكرێتەوە بەدابەشكردنی نەوت.