مسته‌فا كازمی‌ داوای‌ لێبوردنی‌ له‌ مامۆستایه‌ك كرد

  2021-01-13 18:06      146 جار بینراوە        کۆمێنت
مسته‌فا كازمی سه‌رۆك وه‌زیرانی عێراق

ئه‌مڕۆ چوارشه‌ممه‌ 13ی‌ كانوونی‌ دووه‌م، مسته‌فا كازمی سه‌رۆك وه‌زیرانی عێراق، له‌ په‌یوه‌ندییه‌كی‌ ته‌له‌فۆنیدا، داوای‌ لێبودرنی‌ كرد له‌‌ به‌ڕێوبه‌ری ئاماده‌یی سه‌ره‌كی شاری‌ ناسرییه‌، ئه‌وه‌ش پاش ئه‌وه‌ی هێزه‌ ئه‌منییه‌كانی عێراق هه‌ڵیانكوتابووه‌ سه‌ر  خوێندنگاكه‌ی‌.
سه‌رۆك وه‌زیرانی‌ عیراق له‌و په‌یوه‌ندییه‌ ته‌له‌فۆنییه‌دا به‌ به‌ڕێوبه‌ره‌كه‌ی وتووه‌: داوای لێبوردنم له‌و ره‌فتاره‌ی هێزه‌ ئه‌منییه‌كان هه‌یه‌ و هیوادارم هه‌ستی مامۆستا و قوتابیانی بریندار نه‌كردبێت.
وتیشی: ئه‌و ره‌فتاره‌ ده‌ربڕی خه‌سڵه‌ت و هه‌ڵسوكه‌وتی هێزه‌ ئه‌منییه‌كان نییه‌ و پێویسته‌ ئارامی بۆ ناسرییه‌ بگه‌ڕێته‌وه‌.
ئه‌و داوای لێبوردنه‌ دوای ئه‌وه‌ هات، كه‌ هێزه‌ ئه‌منییه‌كانی عێراق هه‌ڵیانكوتایه‌ سه‌ر ئاماده‌ییه‌كی ناسرییه‌ و به‌ زه‌بری هێز و ئه‌شكه‌نجه‌دان قوتابییه‌كیان ده‌ستگیركرد.
یه‌كێك له‌ قوتابییه‌كان ئه‌و دیمه‌نه‌ی به‌ مۆبایله‌كه‌ی ده‌ستی تۆمار كردووه‌ و بڵاوبوونه‌وه‌ی كاردانه‌وه‌ی زۆری لێكه‌وتووه‌ته‌وه‌.
سه‌ندیكای مامۆستایانی عێراق ئیدانه‌ی ئه‌و ره‌فتاره‌ی هێزه‌ ئه‌منییه‌كانی كردووه‌ و داوایكردووه‌، تاوانباران به‌ سزا بگه‌یه‌ندرێن.

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو