ئەمشەو تیروپشكی مۆندیالی یانەكان ڕادەكێشرێت

  2021-01-19 10:54      257 جار بینراوە        کۆمێنت

ئەمشەو تیروپشكی جامی جیهانی یانەكان ڕادەكێشرێت و یاری كۆتایی پاڵەوانێتییەكەش 11ی شوبات بەڕێوەدەچێت.
پاش پاشەكشەكردنی یانەی ئۆكلاندی نیوزلەندی بەهۆی دۆخی ڤایرۆسی كۆرۆناوە و بە بەشداری شەش یانە، ئەمشەو كاتژمێر شەش لە زیورخی سویسرا یەكێتی تۆپی پێی جیهان تیروپشكی مۆندیالی یانەكان ڕادەكێشێت، كە بڕیارە لە نێوان چوار بۆ 11ی شوباتی داهاتوو لە قەتەر بەڕێوەبچێت.
تیروپشكەكە بۆ قۆناغی یەكەمی جامەكە ئەنجام دەدرێت و پاڵەوانی ئەوروپا و ئەمریكای لاتین لە قۆناغی پێش كۆتاییدا بەشداری دەكەن و یاری كۆتایی پاڵەوانێتییەكەش لە 11ی شوبات بەڕێوەدەچێت.
یانە بەشداربووەكان بریتین لە بایرن میونشنی ئەڵمانی پاڵەوانی ئەوروپا و ئەهلی میسڕی پاڵەوانی ئەفریقا و ئۆلسانی كۆریای باشوری پاڵەوانی ئاسیا و تیگری ئۆنالی مەكسیكی پاڵەوانی ئەمریكای باكور و دحێلی قەتەری خاوەن یاریگا و پاڵەوانی ئەمریكای باشور، كە تا ئێستا لە نێوان سانتۆس و پاڵمێراسی بەڕازیلیدا یەكلانەبووەتەوە و 30ی ئەم مانگە یاری كۆتایی ئەنجام دەدەن.


بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو