قوباد تاڵه‌بانی‌: كاكه‌ییه‌كان هەمیشە بەكوردپەروەری و قوربانیدان ناسراون

  2021-01-27 20:01      106 جار بینراوە        کۆمێنت
قوباد تاڵەبانی جێگری سە‌رۆكی ئە‌نجومە‌نی وە‌زیران

قوباد تاڵه‌بانی‌ جێگری‌ سه‌رۆكی‌ حكومه‌تی‌ هه‌رێمی‌ كوردستان، به‌بۆنه‌ی‌ جەژنی سێ شەوەی یارانی قەوڵتاس، په‌یامێكی‌ پیرۆزبایی‌ ئاراسته‌ی‌ كاكه‌ییه‌كان كردووه‌، ئه‌مه‌ ده‌قه‌كه‌یه‌تی‌:

بە‌ڕێزان خوشك وبرا كاكە‌ییە‌كانمان 

سڵاوتان لێ بێت..

بۆ هاتنەوەی جەژنی سێ شەوەی یارانی قەوڵتاس - ی خوشک و برایانی کاکەیی، چەپكە گوڵی پیرۆزباییتان پێشكەش دەكەم و ھیوای جە‌ژنێكی پڕ خۆشیتان بۆ دە‌خوازم.
كاكەییەكان یەكێك لە سیما جوانەكانی فرەیی كوردستانن، هەمیشە بەكوردپەروەری و قوربانیدان و وابەستەیی بەخاك و نیشتمان ناسراون. ماوەی چەند ساڵێكیش كەوتنە بەر ڕقی ڕەشی داعش لەبەر شوناسی كوردبوون و تایبەتمەندی بیروباوەڕ و كلتووری جیاوازیان، ئەركی هەموولایەكیشمانە هەمیشە پاڵپشت و یارمەتیدەریان بین. 
لەحكومەتی هەرێم پابەندیی خۆمان دووپات دەكەینەوە بە ڕەخساندنی زەمینەیەكی گونجاو بۆ ئەوەی سەرجەم پێكهاتە جیاجیاكانی كوردستان لەسایەیدا داب ونەریتی خۆیان بەوپەڕی ئازادییەوە بەجێ بهێنن، پێشمانوایە جیاوازی و فرەیی سەرچاوەی هێز و ئازادییە‌. 
دووبارە‌ پیرۆزبێت و جەژنێكی خۆش بەسەر ببەن. 

قوباد تاڵەبانی
جێگری سە‌رۆكی ئە‌نجومە‌نی وە‌زیران

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو