بافڵ تاڵه‌بانی‌ پیرۆزبایی‌ له‌ كاكه‌ییه‌كان ده‌كات

  2021-01-27 20:29      99 جار بینراوە        کۆمێنت
‏‎بافڵ تاڵەبانی ‏‎ھاوسەرۆکی یەکێتیی نیشتمانیی کوردستان

بافڵ تاڵه‌بانی‌ ‏‎ھاوسەرۆکی یەکێتیی نیشتمانیی کوردستان، به‌بۆنه‌ی‌ جەژنی سێ شەوەی یارانی قەوڵتاس، په‌یامێكی‌ پیرۆزبایی‌ ئاراسته‌ی‌ كاكه‌ییه‌كان كردووه‌، ئه‌مه‌ ده‌قه‌كه‌یه‌تی‌:

خوشک و برایانی کاکەیی
‏‎بەبۆنەی جەژنی سێ شەوەی یارانی قەوڵتاس پیرۆزباییەکی گەرمتان لێدەکەم، هیوادارم ئەم بۆنە تایبەتە وەک هەمیشە لە کەشێکی خۆش و ئارامدا بەسەرببەن و ببێتە مایەی ئارامی و زیاتر قوڵکردنەوەی گیانی پێکەوەژیان لە هەرێمی کوردستان. 
‏‎خوشک و برایانی کاکەیی پێکھاتەیەکی رەسەن و گرنگی گەلەکەمانن، رۆڵی ئێوە لە مێژووی قوربانیدان و خەباتی گەلەکەماندا لەبیرناکەین و ھەمیشە بەڕێزەوە لە پێگە و تایبەتمەندی ئایینەکەتان دەڕوانین. 
‏‎لەم بۆنەیەدا وەک سەرۆکایەتیی یەکێتیی نیشتمانیی کوردستان جەخت لە پاراستنی ئەو پێکەوەژیان و یەکترقبوڵکردنە دەکەینەوە کە هەرێمەکەمانی پێدەناسرێتەوە، ئەرکی لەپێشینەشمان پاراستنی مافە ئایینی و نەتەوەییەکانتان دەبێت.
 
‏‎جەژنتان پیرۆز و هەر لە کامەرانیدابن.
 
‏‎بافڵ تاڵەبانی
‏‎ھاوسەرۆکی یەکێتیی نیشتمانیی کوردستان

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو