سه‌رجه‌م بازگه‌كانی‌ هه‌ولێر داده‌خرێن

  2021-03-03 14:33      298 جار بینراوە        کۆمێنت
دیمه‌نێك له‌ شاری‌ هه‌ولێر( وێنه‌كه‌ تایبه‌ته‌ به‌ PUKNOW)

به‌ڕێوه‌به‌ری بازگه‌كانی پارێزگای هه‌ولێر، هاوڵاتیان، رایگه‌یاند، له‌ كاتژمێر 12ی ئه‌مشه‌و، چوارشه‌ممه‌ له‌سه‌ر پێنجشه‌ممه‌، به‌پێی‌ بڕیاری ژووری ئۆپه‌راسیۆنه‌كانی به‌ره‌نگاربوونه‌وه‌ی كۆرۆنا له‌ پارێزگای هه‌ولێر، سه‌رجه‌م بازگه‌كانی هه‌ولێر داده‌خرێن.
به‌پێی‌ زانیارییه‌كان، له‌ كاتژمێر 12ی شه‌وی چوارشه‌ممه‌ له‌سه‌ر پێنجشه‌ممه‌، سه‌رجه‌م بازگه‌كانی هاتن بۆ ناو هه‌ولێر، له‌ پارێزگاكانی دیكه‌ی ناوه‌ڕاست و خوارووی عێراق داده‌خرێن و رێگه‌ به‌ هیچ هاووڵاتییه‌ك و گه‌شتیارێكیش نادرێت بچێته‌‌ ناو پارێزگای هه‌ولێر.
هه‌ر به‌گوێره‌ی‌ ئه‌و زانیارییانه‌، هاتووچۆ له‌ ناوخۆی پارێزگای هه‌ولێر ئاساییه‌، ته‌نها رێگه‌ به‌ هاوڵاتیان و گه‌شتیارانی پارێزگاكانی دیكه‌ نادرێت بچنه‌ ناو هه‌ولێر، بڕیاره‌كه‌ی له‌ كاتژمێر 12ی ئه‌مشه‌وه‌وه‌ جێبه‌جێ ده‌كرێت تاوەكو شه‌وی شه‌ممه‌ له‌سه‌ر یه‌كشه‌ممه‌ بازگه‌كان به‌ داخراوی ده‌مێننه‌وه‌.
به‌ گوێره‌ی بڕیاری ژووری ئۆپه‌راسیۆنی پارێزگای هه‌ولێر، بازگەکانی پارێزگای هەولێر، لەگەڵ پارێزگاکانی تری عێراق لە رۆژانی 5 تاوەکو 7/ 3/ 2021 دادەخرێن، جگە لە هاتووچۆی شاندە فەرمیە حکومی و دیپلۆماسیەکان و هاوپەیمانان و ئاژانسەکانی نەتەوەیەکگرتووەکان و رێکخراوەکان.

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو