پەیامی سەرۆكی پەرلەمانی كوردستان بۆ یادی راپەڕین

  2021-03-05 11:07      128 جار بینراوە        کۆمێنت

سەرۆکی پەرلەمانی کوردستان بەبۆنەی ساڵیادی راپە رینە مەزنەکەی گەلی کورد پەیامێکی بڵاوکردەوەو دەڵێت: ئەم راپە رینە مەزنە بووە ئیلھامبەخشی درێژەپێدانی خەباتی گەلانی دیکەی عیراق تاکۆتاییھاتنی یەکجارەکی بە رژێمی بەعسی داپڵۆسێنەر.
دەقی پەیامەكە...

بەبۆنەی (٣٠) سیھەمین ساڵیادی راپەڕینە مەزنەکەی گەلی کوردستان لە ٥ی ئازاری ١٩٩١، گەرمترین پیرۆزبایی خۆمان ئا راستەی سەرجەم کوردستانیانی ئازیزو بنەماڵەی سەربەرزی شەھیدان و پێشمەرگە قارەمانەکان و چین و توێژو پێکھاتە ئاینی و نەتەوەییە جیاوازەکانی کوردستان دەکەین، ھیواخوازین ئەم یادە شکۆدارە ببێتە مایەی دەستپێکێکی نوێ لەخەبات و تێکۆشانی گەلەکەمان بۆ بنیادنان و بووژانەوەی زیاتری کوردستان.
کوردستانیانی ئازیز....
ئەوێ رۆژی خەڵکی راپە ریوی کوردستان لەپێناو سەندنی ئازادی و بەرگریکردن لەبەھا پیرۆزە نەتەوەییەکان و بەرەنگاربوونەوەی سیاسەتی س رینەوەی نەژادی و بەعەرەبکردن و گۆ رینی دیمۆگرافیای کوردستان، بەپاڵپشتیی ھێزی پێشمەرگەی کوردستان،  رەگ و  ریشەی  رژێمی بەعسی خۆسەپێنەریان لەکوردستان ھەڵتەکاند، دواجاریش ھەر ئەم راپەڕینە مەزنە بووە ئیلھامبەخشی درێژەپێدانی خەباتی گەلانی دیکەی عێراق تاکۆتاییھاتنی یەکجارەکی بەڕژێمی بەعسی داپڵۆسێنەر.
ئێمە لەکاتێکدا ئەم یادە شکۆدارە بەرز  رادەگرین، کەھێشتا ویست و داخوازییە  رەواکانی گەلەکەمان و ئامانجەکانی راپەڕین بەتەواوەتی نەھاتوونەتە دی، ھەر لەیەکلاییکردنەوەی چارەنووسی ناوچە کوردستانییەکانی دەرەوەی ئیدارەی ھەرێم تا دەگاتە پرسە ھەڵواسراوەکانی پێشمەرگەو دارایی و بودجەو جێبەجێکردنی تەواوی دەستووری ساڵی ۲٠٠٥.
ھاوکات ئەم رۆ کوردستان بەقەیرانێکی دژوارو سەختی سیاسی، ئابووری و کۆمەڵایەتیدا تێدەپە رێت، لای خەڵکی کوردستان بەھۆی نادادی و نابەرابەری لەشێوازی ژیانی چین و توێژەکانی کۆمەڵگە،  رێژەی بێکاری و وەگەڕنەخستنی تواناو پسپۆریی ھەزاران دەرچووی زانکۆکان، لەسەرخۆی پرۆسەکانی چاکسازی، کێشەی زۆری سێکتەرەکانی خوێندن و تەندروستی و چەندین کێشەی تر، دەستکەوتە گەورەکانی راپەڕین و گیانبەخشیی پێشمەرگەو قوربانیدانی گەلەکەمان بۆ ئەو ئازادییە خەریکە دەچێتە قۆناغی بێھودەییەوە.
بۆیە لەم یادە پیرۆزەدا داواکارم ھەموو دامەزراوە دەستوورییەکانی کوردستان، لەڕوانگەی بەرپرسیارێتیی ھاوبەش و تەواوکاریمان پێکەوە، کاری لێبڕاوانەو دەستەجەمعی بکەین لەپێناو بەھێزکردنی متمانە لەنێوان ھاووڵاتییان و دامەزراوەکانداو ھەموو ھەنگاوەکانمان چڕبکەینەوە بەئاراستەی بەدیھێنانی ویست و داخوازییە  رەواکانی کوردستانییان لەفەراھەمکردنی ئازادی و سەروەریی یاساو پێشکەشکردنی خزمەتگوزارییە گشتییەکان و دابینکردنی سەقامگیریی دەروونی و سیاسی و ئابووری بۆیان.
لەکۆتاییدا سەری  رێزو نەوازش بۆ سەرجەم شەھیدانی  رێگای  رزگاریی کوردستان دادەنەوێنین، بەتایبەت شەھیدانی ٥ی ئازار لەدەروازەی راپەڕین و سەرجەم شارو شارۆچکەکانی کوردستان، ھەمیشە سەرفرازبن.

د. رێواز فایق
سەرۆکی پەرلەمانی کوردستان
٥ی ئازاری ٢٠٢١

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو