نانخواردنی خێرا كارەساتی لێدەكەوێتەوە!

  2019-01-19 21:08      269 جار بینراوە        کۆمێنت
پەلەكردن لەكاتی نانخواردندا كارەساتە

توێژینەوە پزیشكییە نوێكان ئاشكرایدەكەن، كە نانخواردنی خێرا كارەساتی گەورەی بۆ سەر تەندروستی مرۆڤ لێدەكەوێتەوەو تەئكیدیش لەسەر نانخواردنی لەسەرخۆو هێمن دەكەنەوە، كەلانیكەم نابێت لە15 خولەك كەمتر بخایەنێت.
توێژینەوەكە بەمشێوەیە زیانەكانی نانخواردنی خێرای خستووەتەڕوو...

تووشبوون بەنەخۆشی شەكرە...

 یەكێك لەهۆكارەكانی توشبوون بەنەخۆشی شەكرە لەجۆری دووەم نانخواردنی خێرایە، چونكە خێرا نانخواردن هۆكارە بۆئەوەی مرۆڤ لەخواردن تێرنەبێت و هەست بەبرسێتیی بكات و رێژەیەكی زۆر خواردن بخوات و ناڕێكی لەگلوكۆز دروستبكات لەخوێندا، وەك لەپێگەی میدیكاڵ دەیلی بڵاوكراوەتەوە.

كێشەی دڵ...

 لەیەكێك لەتوێژینەوە پزیشكییەكاندا كە لەزانكۆی  هیرۆشیمای یابانی ئەنجامدراوە، زاناكان تاقیكردنەوەیان لەسەر نانخواردنی خێرا كردووەو بۆیان دەركەوتووە كە خێرایی لەنانخواردندا هۆكاری سەرەكییە بۆ تووشبوون بەنەخۆشییەكانی دڵ و جەڵتەی دەماغ و هۆكارێكیشە بۆ بەرزبوونەوەی پەستانی خوێن و كەمبوونەوەی رێژەی كۆلیسترۆڵی سوودبەخش.

قەڵەوی و كێشی زیادە...

 یەكێكی دیكە لەزیانەكانی نانخواردنی خێرا ئەوەیە كەزۆر دەخۆیت، ئەمەش زیاد بەتەندروستی دەگەیەنێت، چونكە مێشك پێویستی بە20 خولەك هەیە بۆئەوەی فەرمانەكانی بۆ بەشەكانی دیكەی جەستە بنێرێت، بۆ ئەمەش پێویستە بەشێوەیەكی هێواش و لەسەرخۆ نان بخورێت.

ترشەڵۆكی گەدە...

 زیانێكی دیكەی ناخواردنی خێرا ترشەڵۆكیی گەدەیە، چونكە گەدە ناتوانێت بەوشێوە خێرایە خواردەكان هەرس بكات و بەمەش هەست بەسووتانەوەی گەدە دەكرێت، لەهەمان كاتدا نانخواردنی خێرا مرۆڤ تووشی ئازاری گەدەو كێشەی هەرسنەكردن بكات و ئەمەش دەبێتە هۆی ئازارو غازات.

ژەهراویبوون...

 لەكاتی خێرا نانخواردندا رەنگە كەسەكە هەست بەتامی خواردنەكە نەكات، بەتایبەت ژەمە خێراكان، ئەمەش هۆكارێكە بۆ ژەهراویبوونی مرۆڤ و رەنگە ببێتە هۆی ژەهراویبوون و خنكانیش، لەكاتی خێرا نانخواردن و كەم جوینی خواردنەكان.
سەرچاوە: سكای نیوز

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو