تەندروستی سلێمانی: نەخۆشخانەی هیوا داناخرێت و ناشدرێتە كەرتی تایبەت

  2021-06-19 11:37      199 جار بینراوە        کۆمێنت

د.یاد نەقشبەندی، بەڕێوەبەری نەخۆشخانەی هیوا رەتیدەكاتەوە، هیچ هەوڵێک هەبێت بۆ داخستنی نەخۆشخانەکە یاخود پێدانی بەکەرتی تایبەت و دەڵێت: ئومێد دەکەین لەم هەفتەیەدا بەشێکی باش لەکێشەکان چارەسەر بکرێت.
د.یاد نەقشبەندی وتەبێژی تەندروستی سلێمانیشە رایگەیاند: دەنگۆی داخستنی نەخۆشخانەی هیوا دوورە لەڕاستییەوەو لەئێستادا کارمەندان و پزیشکان گەڕاونەتەوەو سەرقاڵی چارەسەرکردنی کێشەی لەبری نۆرینگەن  و هەفتەی ئایندە ئەوەش چارەسەر دەكرێت و و ئەوەی دەمێنیتەوە چارەسەرکردنی کێشەی دەرمانە، وتیشی: هەر کەسایەتی و لایەن و کۆمپانیایەک هەوڵی داخستنی ئەو نەخۆشخانەیە بدات ئاشکرایدەکەین و رێگری لەهەموو هەوڵێکیش دەکەین و تائێستاش هیچ هەوڵێک بۆ ئەوە نەدراوە.
  
ئاماژەی بۆ ئەوەشكرد، هیوادارین  ناوەڕاستی ئەم هەفتەیە بەشێک لەکێشەکان بەتایبەتی کێشەی مووچەی پزیشکەکان و کارمەندان چارەسەر بکرێت و بۆ ئەو مەبەستەش سەردانی هەموو لایەنە پەیوەندیدارەکانمان کردووەو ئەوانیش پەرۆشی چارەسەرکردنن، وتیشی: گەڕانەوەی پزیشکان و کارمەندان بۆ دەوام لەسەر بنەمای خەمخۆری و مرۆڤدۆستیان بووە ئەگەرنا هێشتا پارەی لەبری نۆڕینگەیان بۆ خەجنەکراوە.
  
ئاشكراشیكرد، هیچ هەوڵێك نییە بۆ پێدانی نەخۆشخانەكە بەكەرتی تایبەت، تەنها گرفت هەبووە کە دەبێت چارەسەر بکرێت.

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو