پیرۆزبایی کۆسرەت رەسوڵ عەلی بەبۆنەی هاتنەوەی جەژنی قوربانی پیرۆز

  2021-07-19 20:51      168 جار بینراوە        کۆمێنت

کۆسرەت رەسوڵ عەلی سەرۆکی ئەنجومەنی باڵای سیاسی و بەرژەوەندی یەکێتیی نیشتمانیی کوردستان بەبۆنەی هاتنەوەی جەژنی قوربانی پیرۆزەوە پەیامێكی پیرۆزبایی ئاراستەی سەرجەم موسڵمانان دەكات.
دەقی پەیامەكە...

هاتنەوەی جەژنی قوربانی پیرۆز لەتەواوی موسڵمانانی جیهان بەگشتی و کوردستان بەتایبەتی پیرۆز دەکەم، جەژنە پیرۆزەی تایبەتی خۆم ئاراستەی کەسوکاری سەربەرزی شەهیدان و پێشمەرگە قارەمانەکان و تێکۆشەرە دێرینەکانی گەلەکەمان و کەمئەندامانی سەنگەرو زیندانیانی سیاسی دەکەم و هیواخوازم ئەم جەژنە ببێتە مایەی خێرو خۆشی بۆ گەلەکەمان.
هەمیشەو بەدرێژایی مێژوو، جەژن و بۆنە ئاینییەکان دەرفەتێکی گرنگ بوون بۆ لێبووردەیی و برەودان بەگیانی پێکەوەژیان و یەکتر قبوڵکردن، ئومێد دەکەم جەژنی قوربانی ئەمساڵ کە هاوکاتە لەگەڵ دۆخێکی تایبەت لەناوچەکە، بیکەینە وێستگەیەکی چارەنووسساز بۆ یەکتر قبوڵکردن و کارکردن لەپێناو ئامانجە رەواکانی گەلەکەمان.
دووبارە جەژنی قوربانی پیرۆز لەسەرجەم کوردستانیان پیرۆز دەکەم
کۆسرەت رەسوڵ عەلی 
سەرۆکی ئەنجومەنی باڵای سیاسی و بەرژەوەندی 
یەکێتیی نیشتمانیی کوردستان

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو