بافڵ تاڵەبانی: ھاریکاری ھێزی پێشمەرگەو ھێزە عیراقییەکان لەھەموو کات پێویستترە بۆ سەرکەوتن بەسەر کێشە ئەمنییەکان

  2021-07-19 23:37      221 جار بینراوە        کۆمێنت

بافڵ تاڵەبانی هاوسەرۆكی یەكێتیی نیشتمانیی كوردستان پەیامێكی هاوخەمیی ئاراستەی قوربانیانی كردەوە تیرۆریستییەكەی ناوچەی سەدر لەبەغدا دەكات.
دەقی پەیامەكە...
وێڕای دەربڕینی پرسەوسەرەخۆشی بۆ قوربانییانی کردەوە تیرۆریستییەکەی ناوچەی سەدر لەبەغدا، ھیوای ھەرچی زووە بۆ چاکبوونەوەی برینداران دەخوازین، بەتوندترین شێوەش ئیدانەی ئەم کردەوە نامرۆڤانەیە دەکەین کە ژمارەیەک ھاووڵاتی مەدەنی تێدا بوونە قوربانی، ئەم رووداوانە ئەوەمان پێدەڵێت ھێشتا مەترسییەکانی تیرۆر ماون و پێویست دەکات بە یەکڕیزی، تەبایی و ھەماھەنگی ھەموولایەک زاڵبین بەسەر کێشەکان، ھەماھەنگی و ھاریکاری ھێزی پێشمەرگەو ھێزە عیراقییەکان لەھەموو کات پێویستترە بۆ سەرکەوتن بەسەر کێشە ئەمنییەکان و فەراھەمکردنی ئاسایش و ئارامی زیاتر لەوڵات، لەو پێناوەشدا وەک یەکێتیی نیشتمانیی کوردستان ئامادەی ھەموو پشتیوانی و ھەماھەنگییەکین بۆ رووبەڕووبوونەوەی پاشماوەکانی تیرۆریستانی داعش و گەیشتن بەدیالۆگی نیشتمانی بونیادنەرانە لەپێناو سەقامگیری سیاسی و کۆمەڵایەتی زیاتر لەنێوان ھەموو نەتەوە و پێکھاتەو ئاینزاکاندا.
بەوھیوای ئاسایش و ئارامی زیاتر باڵبکێشێ بەسەر وڵات و گەلماندا
بافڵ تاڵەبانی 
هاوسەرۆکی یەکێتیی نیشتمانیی کوردستان

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو