گەردەلولێكی هەتاوی لەزەوی دەدات و بۆ ماوەی چەند هەفتە یان مانگێك جیهان بێ ئینتەرنێت دەكات

  2021-09-14 10:01      149 جار بینراوە        کۆمێنت

ناتوانین بیر لەدۆخی جیهان بكەینەوە لەنەبوونی ئینتەرنێتدا، بەهۆی ئەوەی گەورەترین كەرتەكانی وەك ئابووری، فێركردن و بوارە گرنگەكانی پەیوەست بەژیانی رۆژانەی مرۆڤ بەشێوەیەكی سەرەكی پشت بەئینتەرنێت دەبەستن، بەڵام توێژینەوەیەكی زانستیی نوێ دەریدەخات گەردەلولێكی هەتاوی لەزەوی دەدات و بۆ ماوەی چەند هەفتە یان مانگێك جیهان بێ ئینتەرنێت دەكات.
توێژینەوەكە ئاماژەی بەوەكردووە، تا ئێستا هیچ بەرنامەو پرۆتۆكۆلێك پێشبینی نەكراوە بۆ چۆنێتیی مامەڵەكردن لەگەڵ ئەو ڕووداوەدا.
لەوبارەیەوە سانجیسا جیۆتی، پرۆفیسۆری یاریدەدەر لەزانكۆی كالیفۆرنیا كە خاوەنی توێژینەوەكەیە دەڵێت، ئەو كارەساتە هاوشێوەی كۆرۆنا كە جیهان هیچ ئامادەكارییەكی بۆ نەكردبوو دەكرێت رووبەڕووی زەوی ببێتەوە بەبێئەوەی هیچ پرۆگرام و پرۆتۆكۆلێكی ڕوون هەبێت بۆ چۆنێتی مامەڵەكردن لەگەڵ ئەو ڕووداوەدا.
پێشتر زەوی دوو جار لەو جۆرە گەردەلولە بەهێزانەی بۆخۆوە بینیوە، یەكێكیان لە ساڵی 1859و ئەوی دیكەیان لە ساڵی 1921دا، توێژینەوەكە ئەوەشی خستۆتەڕوو، ئەو كێبڵانەی ئینتەرنێت كە لەژمارەیەك ناوچەی دیاریكراو لەقوڵایی دەریاو زەریاكاندا هەن تووشی زیان دەبن و جیهان بێ ئینتەرنێت دەكەن و كیشوەرەكان لەیەكتر دادەبڕن.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو