چەندین خواردن و خواردنەوە قەدەغە دەكرێت لەخوێندنگاكان

  2021-09-28 14:29      144 جار بینراوە        کۆمێنت
خوێندنگە

بەڕێوەبەرایەتی گشتیی خۆپاراستنی تەندروستی راپەڕین، بڕیاریدا بەقەدەغەكردنی ژمارەیەك خواردن و خواردنەوە كە لەفرۆشگای ناوەندەكانی خوێندن دەفرۆشرێن.
بەپێی نووسراوێكی بەڕێوەبەرایەتی گشتیی خۆپاراستنی تەندروستی ئیدارەی راپەڕین كە ئاراستەی هەریەك لەقائیمقامیەت و پەروەردەكانی رانیەو پشدەرو ئاسایشی راپەڕینی كردووە تیادا هاتووە، سەرجەم فرۆشگاكانی ناوەندەكانی خوێندن لەسنووری ئیدارەی رپەڕین ئاگادار دەكەین، بەهەموو شێوەیەك فرۆشتنی ئەو خواردن و خواردنەوانە لەفرۆشگەی خوێندنگاكان قەدەغەیە كە لەڕووی تەندروستییەوە زیان بەقوتابیان و خوێندكاران دەگەیەنێت.
ئاماژە بۆ ئەوەشكراوە، هەرجۆرە خواردنێك لەڕۆندا سوربكرێتەوە (جگەر، فلافل، پەتاتە، ئەندۆمی ، مریشك، گۆشت) فرۆشتنی لەفرۆشگەكان قەدەغەیە.
لەنووسراوەكەدا چەند جۆرێكی تری خواردن و خواردنەوەكانی دیاریكردووە كە بەمجۆرەن:
1- خواردنەوە گازییەكان بەهەموو جۆرەكانیەوە قەدەغەیە.
2- جپس بەهەموو جۆرەكانیەوە قەدەغەیە.
3- چەرەزاتی توێكڵدار( فستەق، گوڵەبەڕۆژە، دەنكە كولەكە) قەدەغەیە.
4- سماق، لیمۆندز، تەمەرهیندی، نانەقەیسی قەدەغەیە.
H.S.A

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو