رەنگە سەرۆك وەزیرانی داهاتووی عیراق ژن بێت

  2021-10-15 16:42      328 جار بینراوە        کۆمێنت
نەسار روبەیعی

حەسەن عەزاری، گەورە دانوستانکاری ڕەوتی سەدر ڕایگەیاند كە پۆستی سەرۆکوەزیران تەنها بۆ پیاوان دانەنراوەو بۆ ئەو مەبەستەش هاشتاگی "ژنان_نیوەی-کۆمەڵگەن"ـی داناوە.
 لەلایەكی ترەوە، هەر ئەمڕۆ دەستەی سیاسیی ڕەوتی سەدر دەنگۆی لێدوانی ئەندامێکی تیمی دانوستانکاری ڕەوتەکەی ڕەتكردەوە کە وتبووی سەرۆکوەزیرانی داهاتووی عێراق دەبێت لە ڕەوتی سەدر بێت.
ئەمڕۆ ئاژانسی فەرمیی عیراق لەسەر زاری نەسار ڕوبەیعی، سەرۆکی دەستەی سیاسیی ڕەوتی سەدرو ئەندامی لیژنەی دانوستاندنکاری ڕەوتەکە بڵأویكردەوە كە کاندیدی سەرۆک وەزیران لە ڕەوتی سەدری دەبێت، بەڵام دەستەی سیاسیی ڕەوتەكە لەڕوونکردنەوەیەکدا ڕەتیکردەوە نەسار ڕوبەیعی هیچ لێدوانیکی دابێت و وتی: ئەوەی لە دەزگاکانی ڕاگەیاندن بڵاوبووەتەوە لەبارەی سروشتی حکومەتی داهاتوو ڕاست نییە، داوا لە دەزگاکانی ڕاگەیاندنیش دەکەین پابەندی ڕێکارەکانی بڵاوکردنەوەی هەواڵ بن و پشت بە سەرچاوەی فەرمی ببەستن بە تایبەت لەم قۆناغە هەستیارەدا.
  ئاشكراشیكرد كە سکاڵای یاسایی لەدژی ماڵپەڕە "درۆزنەکان" تۆمار دەکەن کە هەواڵی درۆ بڵاودەکەنەوە.

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو