داوای زیادكردنی مووچەی ئەم توێژە دەكرێت

  2021-10-16 12:36      311 جار بینراوە        کۆمێنت

ئەمڕۆ جارێكی دیكە بەشێك لەمامۆستایانی وانەبێژ لەسنووری پارێزگای سلێمانی گردبوونەوەو نوێنەری مامۆستایانی وانەبێژیش دەڵێت، داوادەكەین مامۆستایانی وانبێژ بەهەمیشەیی دابمەزرێنن و ساڵانی خزمەتیان بۆ هەژماربكرێت و مووچەكانیشیان زیاد بكرێت.
بەشێك لەمامۆستایانی وانەبێژ ئەمڕۆ شەممە بۆ جارێكی دیكە لەسنووری سلێمانی گربوونەوەو داوا لەحكومەتی هەرێمی كوردستان دەكەن بەزووترین كات وەڵامی داواكارییەكانیان بدەنەوە، لەو بارەیەوە كاروخ عەبدوڵڵا، نوێنەری مامۆستایانی وانەبێژ بە PUKNOWی راگەیاند، لەبایكۆتی هۆڵەكانی خوێندن بەردەوام دەبین هەتا ئەوكاتەی حكومەت وەڵامی داواكارییەكانمان دەداتەوەو بۆمانی جێبەجێ دەكات، وتیشی: ئێمە داوا دەكەین مامۆستایانی وانەبێژ بەهەمیشەیی دابمەزرێن و ساڵانی خزمەتیان بۆ هەماژبكرێت و مووچەكانیشیان زیاد بكرێت.
ئاماژەی بەوەشكرد، بەهۆی كەمی مووچەی مامۆستایانی وانبێژو دواكەوتنییەوە دۆخی دارایی مامۆستایانی وانەبێژ زۆر خراپە، جەختیشی كردەوە لەوەی كە لەبایكۆت بەردەوام دەبین هەتا داواكانمان جێبەجێ دەكەن.
H.S.A

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو