دژەتیرۆری یەكێتی: خوێندكاران رۆڵەی خۆمانن و ئەركی حكومەتە دەرماڵەیان بۆ دابین بكات
هەر لایەن و گروپێكی سیاسی ئاراستەی خۆپیشاندانەكان بگۆڕن، رووبەڕوویان دەبینەوە

  2021-11-25 09:35      167 جار بینراوە        کۆمێنت
دژەتیرۆر

بەڕێوبەرایەتی دژەتیرۆر پشتیوانی داواكاریی خوێندكارانی زانكۆو پەیمانگاكانی كوردستان دەكات و جەختیش دەكاتەوە، هەر لایەن و گروپێكی سیاسی یاخود كەسانی بەرژەوەندی خواز بۆ مەبەستی خۆیان ئاراستەی خۆپیشاندانەكان بگۆڕن بەتوندی رووبەڕوویان دەبینەوە.
دەقی راگەیەندراوەكەی بەڕێوەبەرایەتی دژەتیرۆر..
لەگەڵ سەرهەڵدانی خۆپیشاندانەكانی خوێندكارانی زانكۆو پەیمانگاكانی كوردستان، زۆر بەڕوونی و بەئاشكرایی پشتیوانی راستەقینەی داواكارییەكانیان دەكەین وە هێزی بنەڕەتی پاراستنیانین، چونكە رۆڵەی خۆمانن و مافی یاسایی خۆیانە كە حكومەتی هەرێم مافی دەرەماڵەو خزمەتگوزارییەكانیان بۆ دابین بكات، بەڵام بەداخەوە لێرەو لەوێ ئاراستەی ناڕەزاییەكان تێك دەدرێت پێش ئێمە پێویستە خوێندكاران بەگژ ئەو دەستانەدا بچنەوە كە رێگەی ئامانجە رەواكەیان لێ تێك دەدات لەبەرامبەدا ئەركی سەرەكی ئێمەیە كە ئاسایش و سەقامگیری هاووڵاتیان وەك هەمیشە بپارێزین و بەرگری لەداموو دەزگاكانی میری بكەین كە مووڵكی گشتین، بۆیە ڕایدەگەیەنین هەر لایەن و گروپێكی سیاسی یاخود كەسانی بەرژەوەندی خواز بۆ مەبەستی خۆیان ئاراستەی خۆپیشاندانەكان بگۆڕن بەتوندی رووبەڕوویان دەبینەوەو دڵنیایی بەخەلكی كوردستان و خوێندكاران دەدەین پاراستنی بەرژەوەندییەكانیان لەئەستۆی ئێمەدایەو بڕینەوەی دەستی تێكدەرانیش تەنها لەپێناو ئامانجە سەرەكییەكەی خۆپیشاندەردایە.
بەڕێوەبەرایەتی هێزەكانی دژەتیرۆر
H.S.A

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو