بافڵ جەلال تاڵەبانی بۆ خوێندكاران: رێمەدەن كەسانی ھەلپەرست داوا رەواكانی ئێوە بەلاڕێدا بەرێت

  2021-11-30 10:18      187 جار بینراوە        کۆمێنت

بافڵ جەلال تاڵەبانی، لەپەیامێكدا داوا لەخوێندكاران دەكات بۆ ھەر داواكارییەك پەنا بۆ رێگای مەدەنی و شارستانی ببەن و دووربكەونەوە لە توندوتیژی و یاساشكێنی، دەشڵێت، رێمەدەن كەسانی ھەلپەرست داوا رەواكانی ئێوە بەلاڕێدا بەرێت.
دەقی پەیامەكە...
ئەو توندوتیژیانەی بەناڕەوا بەرامبەر هەندێك لەخوێندكاران كرا زۆر نیگەرانی كردم، لە دڵەوە داوای لێبووردن لە كوڕ و كچ و خوشك و براكانم دەكەم، كە بە ئومێدەوە بەرەوە داھاتوویەكی گەش ھەنگاودەنێن  لەپێناو نەكوژانەوەی چرای زانست و بژێوی ژیانیان و لەسەر شەقام داوای قوت و مافی خۆیان دەكرد.
داواتان لێدەكەم بۆ ھەر داواكارییەك پەنا بۆ رێگای مەدەنی و شارستانی ببەن و دووربكەونەوە لە توندوتیژی و یاساشكێنی، رێمەدەن كەسانی ھەلپەرست داوا رەواكانی ئێوە بە لاڕێدا بەرێت ئەمە خزمەت بە خواستەكانتان ناكات، داوام وایە قەت ئەم رێگایە ھەڵنەبژێرن و بیری لێنەكەنەوە.
بەڵێنیشتان پێدەدەم كە گۆڕانكاری گەورە دەكەین لە پێناو داھاتووی ئێوەو جێبەجێكردنی داواكارییەكانتان و چارەسەركردنی كەموكوڕییەكان، لەمەودوا نزیكتر لەگەڵ توێژی گەنجان و خوێندكاران پێكەوە كاردەكەین لە پێناو ئایندەیەكی گەشتر بۆ گەلەكەمان بۆ ھەر داھێنان و سەركەوتنێك، داكۆكیكاری بەدیھێنانی ئاواتەكانیشتان دەبم.
ھەر شاد و سەربەرز و سەركەوتووبن 
براتان
بافڵ جەلال تاڵەبانی

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو