وەزیری تەندروستی: هیچ تووشبوویەكی ئۆمیكرۆن لەهەرێم تۆمارنەكراوە

  2021-11-30 11:42      475 جار بینراوە        کۆمێنت

وەزیری تەندروستی هەرێمی كوردستان لەبارەی گۆڕاوی ئۆمیكرۆن و خەرجكردنی شایستەی كۆمپانیاكانی دەرمان لە سلێمانی ئاشكرایكرد، هیچ تووشبوویەكی ئۆمیكرۆن لەهەرێمدا نییەو كێشەی دەرمانی شاری سلێمانیشی بەستەوە بەوەزارەتی دارایی و نەبوونی نەختینەوە.
ئەمڕۆ سێشەممە 30-11-2021، دكتۆر سامان بەرزنجی، وەزیری تەندروستی هەرێمی كوردستان رایگەیاند، لەئێستادا چاودێریی بارودۆخەكەو فڕۆكەخانەكان و گەشتیاران دەكەین، چونكە تا ئێستا رێكخراوی تەندروستی جیهانیش لەبارەی مەترسییەكانییەوە رایگەیاندووە، لەچەند هەفتەی داهاتوودا بۆیان رووندەبێتەوە، بۆیە ئێستا تەنها چاودێریی دۆخەكە دەكەن.
وەزیری تەندروستی ئاماژەی بەوەشكرد، ئەوەندەی ئێمە ئاگادارین و چاودێری دەكەین هێچ تووشبوویەكی ئۆمیكرۆن لەهەرێمی كوردستان تۆمارنەكراوە.
لەبارەی خەرجنەكردنی شایستە داراییەكانی كۆمپانیاكانی دەرمان لەپارێزگای سلێمانی، وەزیری تەندروستی ئاشكرایكرد، ئەو كێشەیە پەیوەندی بەخەرجكردن و نەختینەوە هەیە نەك تەرخانكردن، سەرجەم تەرخانكراوەكان دابینكراون، بەڵام كێشەكە وەزارەتی دارایی و بانكەكانە، واتە كێشەكە نەختینەیە، ئەگەرنا ئێمە داواكاریمان پێشكەشی وەزارەتی دارایی كردووە بۆ دابینكردنی نەختینە بۆ ئەو كۆمپانیایانەو هیوادارین ئەو كێشەیە چارەسەربكرێت.
H.S.A

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو