هونەرمەنێكی گەورەی كورد كۆچی دوایی كرد

  2021-12-07 11:01      177 جار بینراوە        کۆمێنت

بەرەبەیانی ئەمڕۆ 7-12-2021، ھونەرمەندی ناسراوی شاری رواندز مامۆستا زرار محەمەد مستەفا لەتەمەنی 84 ساڵیدا بەهۆی نەخۆشییەوە كۆچی دوایی كرد.

مامۆستا زرار محەمەد مستەفا، دامەزرێنەری تیپی مۆسیقای پاشای گەورە بووە لەرواندزو جیا لەبواری مۆسیقا، لەبوارەكانی دیكەی هونەریشدا رۆڵی بەرچاوی هەبووە، هاوكات نووسەرێكی دیاری دەقی شانۆیش بووە.

هونەرمەند لەساڵی 1937 لەرواندز لەدایكبووەو خوێندنی سەرەتایی و دواناوەندی لەرواندزو باتاس و هەولێرو پەیمانگەی مامۆستایانی بەعقوبە تەواوكردووە، ساڵی 1978 بناغەی تیپی مۆسیقای پاشای گەورەی داناوەو دەستی باڵای هەبووە لەپێگەیاندنی چەندین هونەرمەندی دیاری بواری میوزیك.

مامۆستا زرار محمد مستەفا لەژیانیدا چەندین خولی فێركردنی مۆسیقاو شانۆی كردۆتەوە،  لەبواری نووسیندا دەستێكی باڵای ھەبووەو  لەساڵی 2013دا كتێبێكی بەناوی ھونەر لەڕواندزێ چاپكردووە، هاوكات تاكە ھونەرمەندە كە بەر لەكۆچی دوایی پەیكەری بۆ دروستكراوە.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو