بافڵ جەلال تاڵەبانی پیرۆزبایی لە نوری مالكی دەكات

  2022-01-15 22:50      876 جار بینراوە        کۆمێنت

بافڵ جەلال تاڵەبانی بەبۆنەی بەستنی هەژدەیەمین كۆنگرەو هەڵبژاردنەوەی بەئەمینداری حزبی دەعوەی ئیسلامی، پیرۆزبایی لە نوری مالكی دەكات.

دەقی پەیامەكە...

برای بەڕێزم نوری مالیكی، ئەمینداری گشتی حزبی دەعوەی ئیسلامی.
بەبۆنەی بەستنی هەژدەیەمین كۆنگرەی حزبە تێكۆشەرەكەتان و هەڵبژاردنەوەتان بەئەمینداری حزبی دەعوەی ئیسلامی پیرۆزباییتان لێدەكەم، هیودارم هەمیشە لەبەرەوپێشچوون و گەشەكردندا بن. دڵنیاین ئەم هەنگاوە بەرپرسیارێتی گەورە دەخاتە ئەستۆی بەڕێزتان و حزبە تێكۆشەرەكەتان كە مێژوویەكی گەشی هەیە لەخەبات لەدژی دیكتاتۆری و زوڵم و زۆری رژێمی لەناوچوو، هەروەك چۆن بەرپرسیارێتییەكی دیكەشتان بۆ زیاد دەكات لەپتەوتركردنی پەیوەندی لەگەڵ سەرجەم هێزو لایەنە خەباتگێڕەكانی گۆڕەپانی سیاسی عیراق لەپێناو بەرژەوەندی گەل و بەرقەراربوونی ئاشتی و تەبایی و برایەتی لەوڵاتدا.
هەر بەم بۆنەیەشەوە دووپاتی دۆستایەتی و پەیوەندی پتەوی نێوان یەكێتیی نیشتمانیی كوردستان و حزبی دەعوە دەكەینەوە لەپێناو هێنانەدی ئامانجە باڵاكانی گەلی عیراق و پاراستن و درێژەپێدانی پەیوەندی دۆستانەو كاری پێكەوەییمان.
دووبارە پیرۆزباییتان لێدەكەم
براتان
بافڵ جەلال تاڵەبانی

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو