دادگای فیدراڵی: هیچ لایەنێك بۆی نییە ئەم خولەی پەرلەمان هەڵبوەشێنێتەوە

  2022-03-26 13:19      223 جار بینراوە        کۆمێنت
پەرلەمانی عیراق

دادگای باڵای فیدراڵی عیراق رایگەیاند، بەپێی دەستوور هیچ لایەنێك بۆی نییە ئەم خولەی پەرلەمانی عیراق  هەڵبوەشێنێتەوە، عیراق وڵاتێكی دەستوورییە و سیستمی سیاسی خۆی هەیە.
دادگای باڵای فیدراڵی عیراق لە راگەیەندراوێكدا سەبارەت بە هەڵوەشاندنەوەی ئەم خولەی پەرلەمان هێمای بۆ ئەوە كردووە، چارەسەركردنی كێشە سیاسییەكان بەندە بە بڕگەكانی دەستوورەوە، هیچ لایەنێكی دادوەری و یاخود لایەنێكی دیكە نابێت چارەسەرێك بۆ بنبەستی سیاسی بسەپێنێت تەنها بەپێی دەستوور نەبێت.
هەر لە راگەیەندراوەكەدا هاتووە، میكانیزمەكانی پێكهێنانی حكومەت و دابەشكردنی دەسەڵاتەكان لەسەر بنەمای دەستوریی بنیاتنراوە و عیراق وڵاتێكی دەستوورییە و سیستمی سیاسی خۆی هەیە.
ئەنجومەنەكە جەختی لەوەش كردووەتەوە، هەڵوەشاندنەوەی پەرلەمان بە ماددەی 64ی دەستور دیاریكراوە و بە زۆرینەی رەهای ئەندامانی پەرلەمان دەبێت و ئەوەش لە دوو حاڵەتدا دەبێت، یەك لەسەر سێی پەرلەمانتاران داوایەك پێشكەش بكەن یاخود سەرۆكوەزیران بە رەزامەندی سەرۆككۆمار داوایەك پێشكەش بكات.

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو