بافڵ جەلال تاڵەبانی سەرۆكی یەكێتیی نیشتمانیی كوردستان، بەبۆنەی ساڵیادی دامەزراندنی پارتی سۆسیال دیموكراتی كوردستان پەیامێكی پیرۆزبایی ئاراستەی محەممەدی حاجی مەحمود سەرۆكی حیزبەكە كرد ئەمەش دەقی پەیامەكەیە:

بەڕێز محەمەد حاجی مەحمود، سەرۆكی پارتی سۆسیال دیموكراتی كوردستان
بەبۆنەی ساڵیادی دامەزراندنی پارتەكەتانەوە، پیرۆزباییەكی گەرم ئاڕاستەی بەڕێزتان، سەركردایەتی، ئەندام و لایەنگرانتان دەكەم.
پارتی سۆسیال دیموكراتی كوردستان خاوەنی مێژوویەكی پرشنگدارە لەشۆڕشی نوێ و پێگەیەكی گرنگی هەبووە لە بزووتنەوەی رزگاریخوازی گەلەكەماندا.
لەم بۆنەیەدا جەخت لە پەرەپێدانی پەیوەندییەكان و یەكخستنی هەوڵەكان دەكەینەوە لەپێناو زیاتر خزمەتكردنی خەڵكی كوردستان و پاراستنی مافە دەستووریی و نەتەوەییەكانمان.
هەر شاد و سەرفراز بن
دڵسۆزتان 

 سەرۆكی یەكێتیی نیشتمانیی كوردستان 
٨ی ئابی ٢٠٢٢