بافڵ جەلال تاڵەبانی، ‎سەرۆكی یەكێتیی نیشتمانیی كوردستان، لەپەیامێكدا بەبۆنەی ساڵیادی دامەزراندنی پارتی دیموكراتی كوردستانەوە، پیرۆزبایی لە سەرۆك، سەركردایەتی، ئەندام و لایەنگرانی ئەو حزبە دەكات. ئەمەش دەقەكەیەتی...
بەڕێزان سەرۆك، سەركردایەتی، ئەندام و لایەنگرانی پارتی دیموكراتی كوردستان
‎بەبۆنەی ساڵیادی دامەزراندنی پارتی دیموكراتی كوردستانەوە گەرمترین پیرۆزباییتان لێدەكەم و هیوای سەركەوتنتان بۆ دەخوازم.
‎هیوادارم ئەم یادە ببێتە هاندەرێك بۆ قووڵبوونەوەی گیانی تەبایی و كاری پێكەوەیی لەپێناو زیاتر خزمەتكردنی خەڵكی خۆشەویستی كوردستان. گفتوگۆ و لێكتێگەیشتن ببێتە هەوێنی كاركردنمان و بەرژەوەندییە نەتەوەیی و نیشتمانییەكان بخەینە پێش بەرژەوەندییە حزبییەكان.
‎هەر شاد و سەرفرازبن
‎بافڵ جەلال تاڵەبانی 
‎سەرۆكی یەكێتیی نیشتمانیی كوردستان 
‎16ی ئابی 2022