شاناز ئیبراھیم ئەحمەد ، پیرۆزبایی لە گەلی کوردستان دەکات
2022-09-11 19:13 221 جار بینراوە کۆمێنت
بەڕێزان/ بەڕێوەبەر و كادر و كارمەندانی تەلەفزیۆنی گەلی كوردستان
بەبۆنەی یادی (٣١) ساڵەی دامەزراندنی تەلەفزیۆنی گەلی كوردستان، خاوەنی هەردوو نازناوی پیرۆزی كەناڵی (دایك و پێشمەرگە)، گەرمترین پیرۆزباییتان ئاڕاستە دەكەم، هیوام بەردەوامی و درەوشانەوە و سەركەوتنی زیاترتانە.
كەناڵی گەلی كوردستان، وەك یەكەمین كەناڵی بینراوی كوردی، هەنگاوێكی مێژوویی و سەروەرییەكی گەورە و خزمەتێكی دیكەی یەكێتییە لەناو كایەی میدیای كوردیدا، لەم ساڵیادەشدا بەوپەڕی رێز و وەفاوە لە ماندوبوون و رۆڵی ئەو پێشمەرگە و كادر و میدیاكارانەش دەڕوانین كە لەقۆناغە جیاوازەكاندا بوێرانە و لەخۆبوردوانە خزمەتیان كردووە، بۆ ئێستاش ئومێد دەكەم ئەم یادە ببێتە خاڵێكی وەرچەرخانی گرنگ و چاوەڕوانیمان لێتانە هەنگاوەكانتان بە ئاڕاستەی گەشەكردنی زیاتری كەناڵەكە بێت.
پیرۆزە ساڵیادی كەناڵی دایك، هەمیشە پێشەنگ و سەرکەوتووبن
شاناز ئیبراهیم ئەحمەد
بابەتی زیاتر