بافڵ جەلال تاڵەبانی سەرۆكی یەكێتیی نیشتمانی كوردستان، بروسكەیەكی ماتەمینی ئاراستەی عەمید ئاسۆ شێخ تەها بەرێوەبەری پۆلیسی پارێزگای سلێمانی دەكات بۆ كۆچی دوایی مامی_یان. 

ئەمەش دەقی بروسكەكەیە...

بەرێزان خانەوادەی سەربەرزی خاڵە شێخ كەریمی شێخ
عەبدولقادری گوللەنەبڕی سەنگاو.
‎بە‌ڕێز عەمید ئاسۆ شێخ تەها، بەڕێوەبەری پۆلیسی پارێزگای سلێمانی.
‎بۆ كۆچی دوایی كاك شێخ رەزا شێخ كەریم، كەسایەتی دیاری سەنگاو، تێكۆشەری دێرین و مامی بەڕێزتان، پرسە و ھاوخەمی قووڵی خۆمان ئاڕاستەی بەڕێزتان دەكەین.
‎كاك شێخ رەزا یەكێكبوو لە كەسایەتییە تێكۆشەرەكانی كورد و لە رۆژانی سەختی خەباتدا، خاوەنهەڵوێستی جوامێرانەبوو و بەشدارییەكی چالاكی لە رێكخستنەكاندا هەبوو، جگەلەوەی بنەماڵەكەشیان پشتوپەنای شۆڕش بوون و قوربانی زۆریان داوە.
‎لەخوای گەورە داواكارین رۆحی كۆچكردوو شاد بكات و سەبووری و ئارامی بەهەموولایەك ببەخشێت.
‎

دڵسۆزتان

‎بافڵ جەلال تاڵەبانى

‎سەرۆكی یەكێتیی نیشتمانیی كوردستان
‎٢٠ی تشرینی دووەمی ٢٠٢٢ - بەغدا