بافڵ جەلال تاڵەبانی، سەرۆکی یەکێتیی نیشتمانیی کوردستان بۆ کۆچی دوایی عەزیز حاج مەحمود پرسەنامەیەک ئاراستەی بنەماڵەکەی دەکات. ئەمەش دەقەکەیەتی:

بەڕێزان کەسوکار و بنەماڵەی سەربەرزی عەزیز حاج مەحمود، کەسایەتی  دیاری ھەولێر و رەواندز و شۆڕشگێڕی کوردایەتی 
بۆ کۆچی دوایی عەزیز حاج مەحمود ناسراو بە (رائید عەزیز)، ھاوڕێی نزیکی سەرۆک مام جەلال و تێکۆشەری هەردوو شۆڕشی ئەیلوول و شۆڕشی نوێ، پرسە و ھاوخەمی قووڵی خۆمان ئاڕاستەی بەڕێزتان دەکەین و هاوبەشی خەمتانین.
رائید عەزیز کەسایەتییەکی دڵسۆز و شۆڕشگێڕێکی قارەمان بوو کە بە هەڵوێست و بەشداریی جوامێرانەی لە خەباتدا، مێژوویەکی پڕ لە شانازی بۆ خۆی و خانەوادەکەی نووسیوەتەوە.  

لەخوای گەورە داواکارین بە بەهەشتی بەرینی شاد بکات و سەبووری بەهەموولایەک ببەخشێت.

دڵسۆزتان 
بافڵ جەلال تاڵەبانی 
سەرۆکی یەکێتیی نیشتمانیی کوردستان