مەكتەبی سیاسی یەكێتی نیشتیمانی كوردستان، بروسكەیەكی پیرۆبایی  ئاراستەی خوشك و برا ئێزدیەكان دەكات بەبۆنەی جەژنی ڕۆژووی ئێزدییەوە، ئەمەش دەقی بروسكەكە:

بەبۆنەی جەژنی ڕۆژووی ئێزدییەوە  پیرۆزباییەكی گەرم ئاراستەی خوشك و برا ئێزدیەكانمان لە كوردستان و عێراق و سەرانسەری جیهان دەكەین.
لەم بۆنەیەدا جارێكی تر تەئكید  لەوە دەكەینەوە كە  بەردەوامین  لە چڕكردنەوەی هەوڵەكانمان بۆناساندنی ئەو تاوانانەی كە تیرۆریستانی داعش لە 3 ی ئابی  2014دا لە دژی  ئێزدیەكان  وەك جینۆساید ئەنجامیان داوە، هاوكات بەردەوام دەبین لە لێكۆڵینەوەو گەڕان بەدوای  چارەنوسی ئەو خوشك و برا ئازیزانەماندا كە تاكو ئێستا بێسەروو شوێنن،  ئاوەدانكردنەوەی ناوچەی شەنگال و گەڕانەوەی ئاوارەكان بۆ سەر زیدی خۆیان  هەوڵێكی تری جدی و بەردەواممانە بۆ  ساڕێژ بوونی  ئەونەهامەتیانەی  بەسەر ئێزدیەكاندا هات.
هیوادارین لە ساڵی داهاتوو لە شاری شەنگال  لە نێو ئاوەدانی و خۆشگوزەرانیدا  ئەم بۆنەیە و گشت بۆنەكانی ترتان بە خۆشی و  شادی  بكەینەوە.


 مەكتەبی سیاسی یەكێتی نیشتیمانی كوردستان