بۆ کۆچی دوایی عەبدولقادر محەمەد ناسراو بە (قادر باجلوری) تێكۆشەری دێرینی یەکێتی، بافڵ جەلال تاڵەبانی سەرۆکی یەکێتیی نیشتمانیی کوردستان، پرسەنامەیەکی ئاراستەی بنەماڵەی کۆچکردوو کردووە، ئەمە دەقەکەیەتی:

بۆ کۆچی دوایی عەبدولقادر محەمەد ناسراو بە (قادر باجلوری) تێكۆشەری دێرینی یەکێتی ، پرسە و هاوخەمی خۆمان رادەگەیەنین و هاوبەشی خەمی بنەماڵە سەربەرزەکەیانین کە نموونەی خەبات و قوربانیدانن لەپێناو کوردستاندا.

هەڤاڵ قادر باجلوری تێکۆشەرێکی بە هەڵوێست، یەکێتییەکی سەرڕاست و کەسایەتییەکی دیاری دەڤەری بادینان بوو کە هەرگیز لە رێگا راستەکەی خەبات لاینەدا و بەردەوام لە پرسە گرنگەکاندا ئامادەییەکی بەرچاوی هەبوو. 

لەخوای گەورە داواکارین رۆ‌حی کاک قادر شاد بکات و سەبووری و ئارامی بەهەموولایەک ببەخشێت.


بافڵ جەلال تاڵەبانی 
سەرۆکی یەکێتیی نیشتمانیی کوردستان