بۆ کۆچی دوایی نووسەر و روناکبیر مامۆستا جەمال بابان، هەڤاڵ بافڵ جەلال تاڵەبانی سەرۆکی یەکێتیی نیشتمانیی کوردستان، پەیامێکی هاوخەمیی ئاراستەی خانەوادەی کۆچکردوو کردووە، ئەمە دەقکەیەتی:
‎بەڕێزان خانەوادە و کەسوکاری نووسەر و روناکبیر مامۆستا جەمال بابان

‎بەداخێكی زۆرەوە هەواڵی کۆچی دوایی مامۆستا جەمال بابانمان پێگەیشت.
‎بۆ ئەم خەمە گەورەیە پرسە و هاوخەمیی قووڵی خۆمان ئاڕاستەی ئێوە و بنەماڵە سەربەرزەکەتان دەکەین و هاوبەشی خەمتانین.

‎مامۆستا جەمال بابان كەسایەتییەكی ناسراو و ناوێكی درەوشاوەی فەرهەنگ و مێژووی نەتەوەكەمان بوو، لە چەندین بواری جیاوازدا خزمەتی بەرچاوی پێشكەشكرد و یاد و یادەوەرییەكانی بۆ هەمیشە بەزیندوویی دەمێنێتەوە


‎لەخوای گەورە داواكارم مامۆستای كۆچكردوومان بە بەهەشتی بەرین شادبكات و سەبووری بەهەموولایەك ببەخشێت.


‎دڵسۆزتان 
‎بافڵ جەلال تاڵەبانی 
‎سەرۆکی یەکێتیی نیشتمانیی کوردستان