لە بەیاننامەیەکدا، نێردەی نەتەوەیەکگرتووەکان بۆ یارمەتیدانی عیراق(یۆنامی)، سەرکۆنەی هێرشەکەی سەر فڕۆکەخانەی عەربەت دەکات و داوا دەکات پێشێلکارییە بەردەوامەکان بۆ سەر سەروەری عیراق رابگیرێن.
ئەمەش دەقی بەیاننامەکەیە:
(یۆنامی ئیدانەی هێرشەکەی سەر فڕۆکەخانەی عەربەت لە پارێزگای سلێمانی دەکات کە ژمارەیەک قوربانی لێکەوتەوە.
پێویستە ئەو هێرشانە رابگیرێن کە بەشێوەیەکی بەردەوام سەروەری عێراق پێشێل دەکەن، هەروەک دەبێت کێشە ئەمنییەکان لە رێگەی دیالۆگ و دیپلۆماسیەتەوە چارەسەر بکرێن).