تووشبووانی نەخۆشییەكانی دڵ پێویستە كوتانی دژی ئەنفلەوەنزا بكەن

  2019-11-18 09:35      229 جار بینراوە        کۆمێنت

دەستەی پزیشكانی پسپۆڕی دڵ لەئەمریكا داوادەكات تووشبووانی نەخۆشییەكانی دڵ پێكوتەی دژی ڤایرۆسی ئەنفلەوەنزا وەربگرن.
لەتوێژینەوەیەكی نوێدا پزیشكانی پسپۆڕی دڵ لەئەمریكاوە، لەكاریگەریی وەرگرتنی پێكوتەی دژی ئەنفلەوەنزایان لەلایەن تووشبووانی نەخۆشییەكانی دڵ كۆڵیوەتەوە.
د. ئالبێرت ریزۆ، بەڕێوەبەری دەستەی پزیشكانی پسپۆڕی سییەكان لە ئەمریكا و یەكێك لەئەنجامدەرانی توێژینەوەكە دەڵێت: زۆر حاڵەتی مردنمان بەهۆی ئەنفلەوەنزا لە كەسانی سەروو 65 ساڵان تۆماركردووە، بۆیە دەبێت ئەوانەی نەخۆشییە درێژخایەنەكانیان هەیە كوتان دژی ئەنفلەوەنزا بكەن، چونكە لێكەوتەكانی نەخۆشییەكە مەترسیدارن.
پزیشكانی پسپۆڕی دڵ لەئەمریكا رایدەگەیێنن، وەرگرتنی پێكوتەی دژی ئەنفلەوەنزا لەلایەن تووشبووانی نەخۆشییەكانی دڵ مەترسیی خەواندنیان لەنەخۆشخانە و تووشبوونیان بە لێكەوتەكانی ئەنفلەوەنزا كەمدەكاتەوە.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو