پێدەچێت ئیدارەی یانەی پاریس نایمار سزابدات

  2019-11-24 15:38      327 جار بینراوە        کۆمێنت
دیمەی كاتی چوونە دەرەوەی نایمار لەیاریگا

کارگێڕی یانەی پاریس سان جێرمان لەهەڵسوکەوتی نایمار نیگەرانەو پێدەچێت سزای ئەستێرە بەرازیلییەكە بدات.
تۆماس تۆخێل راهێنەری پاریس سان جێرمان ئاشكرایكرد، ئەو كارەی نایمار كرد کارێکی جوان نەبوو، من ئاگادار نەبووم، چونکە خەریکی گۆڕنکارییەکی تاکتیکی بووم، وتیشی: بەڵام ئەو کارە لە نێو خۆمان لەیانەکە قسەی لەسەر دەکەین، لەڕاستیدا نایمار خۆی باش ئامادە نەبوو ئەو پێویستی بەکاتە تا دەگەڕێتەوە ئاستی جارانی من چاوەڕێی زیاترم لێ نەدەکرد، لەبەر ئەوەی 6 هەفتەیە یاری نەکردوە .
تۆخێل روونیشیكردەوە، هەوڵدەدەم لەیاری یانە پاڵەوانەكان بەرامبەر بەڕیاڵ مەدرید بەپلانی هێرشبردن یاری بکەین بەنیازم هەریەکە لەئیکاردی و نایمارو مباپی و دی ماریا بەیەکەوە بەپلانێکی تایبەت یاری پێبکەم، بەڵام ئەوە ئاسان نابێت، وتیشی: تەبایی نێوان دی ماریاو ئیکاردیم زۆر بەدڵە ئەوان بەیەکەوە کاری زۆر باش دەکەن و یەکلاکەرەوەن.
لەیارییەکەی دوێنێی خولی فەرەنسا پاریس سان جێرمان بەرانبەر لیل دوای دانیشاندنی نایمار لەلایەن راهێنەرەوە، ئەستێرە بەرازیلییەكە راستەوخۆ بەرەو ژووری خۆگۆڕین رۆیشت، لەكاتێكدا دەبوایە بچێتە سەر كورسی یەدەگ.

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو