وەرگێڕێك لەسوپای ئەڵمانیدا بەخیانەتی گەورە دادگایی دەكرێت

  2020-01-21 14:24      246 جار بینراوە        کۆمێنت

دوێنێ 20 ی كانونی دووەمی 2020 بەتۆمەتی سیخوڕی و بردنە دەرەوەی زانیاریەكان وەرگێڕێكی بەڕەگەز ئێرانی لەناو سوپای ئەڵمانیادا ڕووبەڕووی دادگا كرایەوەو دادگاییكردنەكەی  دەستیپێكرد.
 بەتۆمەتی خیانەت و سیخوڕی لەبەرژەوەندی دەزگای هەواڵگری ئێران هاوڵاتیەكی ئەڵمانی "عەبدول ئیس "بەڕەگەز ئێرانی تەمەن 51 ساڵ وەرگێڕ لەسوپای ئەڵمانیدا ڕوبەڕووی دادگا كرایەوەو لەدادگای باڵای"كوبلنز"دەستیان بەكارەكانی كرد.
دادگاییكردنەكە بەداخراوی بووەو بریاریشە تا 31 ی ئاداری داهاتوو بخایەنێت، دادگا پێیوایە ئەو تۆمەتبارە خیانەتی گەورەو مەترسیداری لە ئەڵمانیاو پیشەكەی كردووەو زانیارییەكانی لەبەرژەوەندی ئێران بردۆتە دەرەوە، بەپێی زانیارییەكانی دادگای كۆبلنز ئەم تۆمەتبارە وەك ڕاوێژكاری جوگرافی و وەك وەرگێڕ لەناو سوپای ئەڵمانیدا كاریكردووەو داواكاری گشتیش جەختی لەهاوكاری و هەماهەنگی ناوبراو كردووە لەگەڵ دەزگای هەواڵگری ئیرانیداو زانیاری پێداون، هەمانكات هاوسەرەكەشی كەتەمەنی 40 ساڵە بەوە تۆمەتباركراوە كە هاوكاری كردووە، بەڵام تا ئێستا فەرمانی دەستگیركردنی لەلایەن دادگاوە بۆ دەرنەچووە.
دێرشپیگڵی ئەلمانی ئاماژەوەی بەوەداوە ئەو تۆمەتبارە لەبەرژەوەندی وەزارەتی هەواڵگری و ئاسایشی نەتەوەیی ئێرانی كاری كردووەو گەشتۆتە ئەو زانیاریە هەستیارانەی كەپەیوەندی بە بڵاوەپێكردنی هێز هەبووە لەئەڤگانستان.
ئەم تۆمەتبارە لەكانونی دووەمی ساڵی ڕابردوودا بەشێوەی كاتی دەستگیركراوە، دەزگای هەواڵگری ئەڵمانیا پێی وایە ڕوسیاو چین و تاڕادەیەكیش توركیا كارەكتەری سەرەكی سیخوڕیكردنن لەناو ئەڵمانیادا لەڕاگەیاندنیكی پێشوەختیشدا دەزگای هەواڵگری ناوخۆی ئەڵمانیا كە بەدەستەی پاراستنی دەستوور ناسراون ئاماژەی بەوەداوە دەزگاكانی ئێران هەمیشە لەهەوڵدان  بگەنە ئەو سەرچاوانەی كەزانیاری سەربازی ئەڵمانیان لادەست دەكەوێت بەتایبەتی ئەو زانیاریانەی كە ئێران بۆ بنیاتنانی ژێرخانی سەربازی خۆی پێویستی پێیەتی. بەپێی زانیاریەكان ئەگەر ئەو تۆمەتانە بەسەر تۆمەتباردا ساغ بێتەوە پیدەچێت سزای زیندانی هەتا هەتایی بەسەردا بسەپێنددرێ و هاوسەركەشی بە 11 ساڵ  وەك میدیاكان ئاماژەیان پێداوە حكوم بدرێت.
شیهاب عوسمان- ئەڵمانیا:
س:لە میدیاكانی ئەڵمانیاوە

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو