سەرۆكی ئەنجومەنی باڵای سیاسی و بەرژەوەندی یەكێتیی نیشتمانیی كوردستان پەیامێكی ئاراستەی قوربانیانی بومەلەرزەكەی كوردستانی توركیا دەكات.
دەقی پەیامەكە...

‎به‌داخێكی زۆره‌وه‌ شه‌وی رابردوو له‌زنجیره‌یه‌ك رووداوی سروشتیدا بوومه‌له‌رزه‌ له‌شاری ئه‌لئه‌زیز (خارپێت)ی باكووری كوردستانی توركیاداو له‌ئاكامدا ژماره‌یه‌ك هاووڵاتی گیانیان له‌ده‌ستداو ژماره‌یه‌كی دیكەش برینداربوون.
‎پرسه‌و سه‌ره‌خۆشی و هاوخه‌می خۆم ئاراسته‌ی خوشك و برایانم له‌توركیا به‌گشتی و كه‌سوكاری قوربانیان به‌تایبه‌تی ده‌كه‌م و داواكارم له‌خوای گه‌وره‌ شیفای به‌خێری برینداره‌كان بدات.
‎داواكارم له‌لایه‌نه‌ په‌یوه‌ندیداره‌كان به‌زووترین كات به‌فریای لێقه‌وماوانی ئه‌م ناوچانه‌ بكه‌ون و هاوكاری مرۆیی و ته‌ندروستی بگه‌یه‌ننه‌ ناوچه‌كه‌، ئێمه‌ش وەك یه‌كێتیی نیشتمانیی كوردستان ئاماده‌ین بۆ هه‌موو هاوكارییه‌كی ته‌ندروستی و مرۆیی بۆ رزگاركردنی خوشك و براكانمان له‌و رووداوو كاره‌ساته‌.
‎كۆسره‌ت ره‌سول عه‌لی 
‎سه‌رۆكی ئه‌نجومه‌نی باڵای سیاسی و به‌رژه‌وه‌ندی 
‎یه‌كێتیی نیشتمانیی كوردستان