پاش سزادانی مان سیتی لەچامپیۆنز لیگ، بۆمبێکی دیكە لەئیسپانیا دەتەقێتەوە

  2020-02-17 18:29      480 جار بینراوە        کۆمێنت

هۆکارەکەشی بەرشەلۆنەیە
رۆژنامەنووسێكی ئیسپانی بەكۆمەڵێك بەڵگەنامە بارتۆمیۆی سەرۆكی یانەی بەرشەلۆنەی ئیسپانی تۆمەتبار دەكات.
کادینا سێر کۆمەڵێک بەڵگەنامەی بڵاوکردووەتەوەو تیایدا بارتۆمیۆی سەرۆکی تۆمەتبار کردووە بە دروسکتردنی کۆمەڵێک وێب سایت و پەیج بۆ پشتگیریکردن لەخۆی و هێرشکردنە سەر یاریزانەکان و ئەوانەی دژی ئەون.
کادینا باس لەوەدەكات، کەهەرکاتێک رەخنە لە بارتۆمیۆ گیراوەو تووشی کێشەیان کردووە، ئەویش لەڕێگەی ئەو کۆمەڵە وێب سایت و پەیجەوە هێرشی کردووەتە سەر چەند لایەنێکی دیكەو شەقامی وەرزشی کەتەلۆنیای جووڵاندووە بۆ ئەوەی کێشەکانی خۆی لەبیریان بباتەوە.
ئەو رۆژنامەنووسە دەشڵێت: بارتۆمیۆ ئەو پێگە ئەلیکترۆنی و پەیجانە بەکاردەهێنێت بۆ جوانکردنی خۆی و ناشرینکردنی نەیارەکانی.
کادینا سێر کۆمەڵێک پۆستی پەیجەکان و وێب سایتەکانی نزیکی بڵاوکردووەتەوە کە لەیەکێکیاندا هێرش دەکاتە سەر ژیانی تایبەتی ئەنتۆنێلای خێزانی میسی و لەیەکێکیش هێرشدەکاتە سەر میسی کە نایەوێت بۆندەکەی نوێبکاتەوەو یەکێکیش هێرشکردنە سەر چاڤییە پاش رەتکردنەوەی پۆستی راهێنەرایەتی بەرشەلۆنەو یەکێکیشیان هێرشکردنە سەر پیکێیە کە سەرقاڵی کاری بازرگانییەو ئاگای لەیاریکردن نەماوە.
هەر زوو پێگەکانی مارکاو ئاس و سپۆرت و مۆندۆ ئەم بابەتەیان بەهەل قۆستەوەو کەوتنە بڵاوکردنەوەی
ئەو رۆژنامانە پێیانوایە کە بارتۆمیۆ بەزووترین کات دەبێت روونکردنەوە لەوبارەیەوە بدات، ئەگەر راستیش بوو پێویستە چەندین دەستلەکارکێشانەوە لەئیدارەی یانەکە رووبدات.

بەسوپاسەوە لەفەیسبووكی (رەوەز ئەحمەد) وەرگیراوە

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو