مستەفا چاورەش: هێزەكانی 70 بەشداردەبن لەسەرخستنی رێكارە تەندروستی و كارگێڕییەكان

  2020-03-24 14:14      556 جار بینراوە        کۆمێنت

مستەفا چاوڕەش، فەرماندەی ھێزەكانی حەفتا رایدەگەیەنێت، ھێزەكانیان بەشداردەبن ھاوشانی ھێزەكانی ئاسایش و پۆلیسی ناوخۆ بۆ جێبەجێكردنی رێوشوێنە تەندروستی و كارگێڕییەكان.
مستەفا چاوڕەش فەرماندەی ھێزەكانی حەفتا لەلێدوانێكی رۆژنامەوانیدا راگەیاند، ھاوكارو پشتیوانی تەواوی ھێزە ئەمنی و یەكە ئیدارییەكانی ھەرێمن بۆ سەرخستنی رێكارە تەندروستی و كارگێڕییەكان و پاراستنی تەندروستی ھاوڵاتیان و لەچەند ناوچەیەكیش لەسەر داوای یەكە ئیدارییەكان ، ھێزەكانی حەفتا بەشدارن ھاوشانی ھێزەكانی ئاسایش و پۆلیسی ناوخۆ بۆ جێبەجێكردنی رێوشوێنە تەندروستی و كارگێڕییەكان.
ئاشكراشیكرد،  سەرباری ئەركی سەرەكییان كە پاراستنی سنورەكانی ھەرێمە لەھەر ھەڕەشەیەكی تیررۆریستان بەڵام  ئامادەییان ھەیە بۆ جێبەجێكردنی ھەر ئەركێك پێیان بسپێردرێت لە پێناو پاراستنی ھەرێم و گیانی ھاووڵاتیان و باشترجێبەجێكردنی رێكارەكانی قەدەغەی ھاتووچۆ.
هاوكات، فەرماندەی ھێزەكانی حەفتا داوای لە كۆمەڵانی خەڵكی كوردستانیش كرد پابەندی رێنماییە تەندروستییەكان بن و لەماڵەكانی خۆیان بمێنەوە و ژیانی خۆیان و ئازیزانیان بپارێزن و با ھەمووان پێكەوە بەرەنگاری ئەم دۆخە  سەختە  ببینەوە

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو