ئەو پیاوەی لەئەڵمانیا هەوڵی بڵاوكردنەوەی ڤایرۆسی كۆرۆنایدا دەستگیركرا

  2020-03-25 19:39      295 جار بینراوە        کۆمێنت

دوای ئەوەی پێگە ئەلكترۆنیەكانی ئەڵمانیا گرتەیەكی ڤیدیۆیی كەسێكیان بڵاوكردەوە كە لەهەوڵی بڵاوكردنەوەی كۆرۆندایە لەمیترۆیەكی شاری میونخی ئەڵمانی، پۆلیسی ئەو شارە تۆمەتبارەكەیان دەستگیركرد.
لەكاتێكدا كە ڤایرۆسی كۆرۆنا بۆتە مەترسی و هەڕەشەی گەورەلەسەر ژیانی مرۆڤ پیاوێك لەناو یەكێك لەمیترۆكانی میونشنی ئەڵمانیادا هەڵدەستێت بە پیسكردنی ئامێری دەرهێنانی تكت و لیكاویكردنی دەسكی ناو میترۆكە، ئەو كەسە بەوەشەوە ناوەستێ، بەڵكو لەكاتی ئەنجامدانی ئەو كردەوەیەدا ئەوەی كردویەتی بەڤیدیۆ تۆماریكردوەو دواتر لەتۆڕە كۆمەڵایەتیەكان بڵاوكراوەتەوەو واشیدەرخستووە هەڵگری ڤایرۆسی كۆرۆنایەو مەبەستی بووە ئەو ڤایرۆسە بڵاوبكاتەوە.
دۆیچە ڤیللەی ئەڵمانی بەپشت بەستن بەڕاپۆرتێكی ڕۆژنامەی "بیڵد"ئاشكرایكردووە ئەو كەسە تەمەنی 33 ساڵەو دوای ئەوەی لەلای پۆلیس سكاڵای لەسەر تۆماركراوە پۆلیس تۆمەتبارەكەی دەستگیری كردووەو ئێستا لە لێكۆڵینەوەدایەو تۆمەتی دەستدرێژی جەستەیی ڕوبەڕوو كراوەتەوە، بەڵام تا ئێستا ئەوە یەكلایی نەبۆتەوە ئەو كەسە هەڵگری ڤایرۆسی كۆرۆنایە یان نا وەك خۆی دەڵێ بەپێی وتەی پۆلیس تاقیكردنەوەی بۆكراوەو چاوەڕوانی ئەنجامەكانی دەكەن.
شیهاب عوسمان- ئەڵمانیا

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو