میكانیزمێكی نوێی دابەشكردنی مووچەی كەمئەندامان راگەیەندرا

  2020-04-03 12:38      917 جار بینراوە        کۆمێنت

بەڕێوەبەرایەتی گشتی چاودێری و گەشەپێدانی كۆمەڵایەتی هەولێر لە ئاگاداریەكدا بەهەزاران مووچە خۆر ئاگادار دەكاتەوەو لەو چوار چێوەیەشدا  رێكاری دابەشكردنی مووچەكانیان دەخاتەڕوو.
بەڕێوەبەرایەتی گشتی چاودێری و گەشەپێدانی كۆمەڵایەتی هەولێر ئاگاداریەكی بڵاو كردۆتەوەو تیایدا رایگەیاندووە، لە پێناو بەرژەوەندی فەرمانبەران و توێژی خاوەن پێداویستی تایبەت و پاراستنیان لە ڤایرۆسی كۆرۆنا، بەڕێوەبەرایەتی گشتیمان بە هەماهەنگی لەگەڵ پارێزگای هەولێر، ئاسانكاری بۆ دابەشكردنی مووچەی فەرمانبەران دەكات.
بریارە سبەینێ شەممەو دووسبەی، مووچەی وەزارەتی كارو كاروباری كۆمەڵایەتی و مووچەی كەمئەندامان دابەش بكرێت، بۆ ئەو مەبەستەش بەڕێوەبەرایەتی گشتی چاودێری و گەشەپێدانی كۆمەڵایەتی هەولێر بڕیاریداوە، بە ئاسانكاری كردنی هێزەكانی ناوخۆ  لە هاتووچۆی فەرمانبەران و كەمئەندامان بۆ وەرگرتنی مووچەكانیان.
هاوكات، دابەشكردنی مووچەی كەمئەندامان بە پێی پیتی ئەبجەدی و لە كاتەكانی جیاواز كە خشتەی دابەش كردنەكە لە خوارەوە هاوپێچ كراوە، ئاسانكاری بانكەكان لە پێدانی مووچەی كەمئەندامان بە شێوەیەك ئەگەر كەمئەندام خۆیشی ئامادە نەبوو،  بریكارەكەی یان خزمی پلە یەكی بتوانێت مووچەكەی وەرگرێت بە مەرجێك ناسنامەی كەمئەندامەكەی پێ بێت.
لە بڕیارەكانی وەزارەتی كاروكاروباری كۆمەڵایەتیدا هاتووە، لە كاتی پێویست نووسینگەی بانكەكان دەتوانن باڵەخانەكانی سەر بە بەڕێوەبەرایەتی گشتیمان بە كار بێنن بۆ دروست نەبوونی قەرەباڵەغی، دانیشتوانی  ئەو شوێنانەی كەرەنتینە كراون بە تایبەت ( سێبیران)، بە پەیوەندی كردنیان بە ژمارە موبایلی (4482750) مووچەكانیان بۆ دەبردرێتە ماڵەكانیان و پێویست ناكات خۆیان سەردانی بانكەكان بكەن.
لە راگەیەندراوەكەدا داوا لە فەرمانبەران و كەمئەندامان كراوە، پابەندی رێنماییەكانی تەندروستی بن و لە كاتی سەردانیان بۆ فەرمانگە و  بانكەكان دەستكێشیان لە دەست بێت، كەمامە ببەستن و دوور بن لەبەریەك كەوتن، لەگەڵ كەسانی دیكە.
خشتەی دابەش كرنی مووچە بە پێی پیتی یەكەمی ناوی كەمئەندامان
رۆژی شەممە بەرواری 4-4-2020
- كاتژمێر 8 تاكو كات 9 پیتی  ــ ٲ
- كاتژمێر 9 تاكو كات 10 پیتی ــ  ب،پ،ت،پ
- كاتژمێر 10 تاكو كات 11 پیتی ــ خ ،ح،چ،ج‌،د،ژ
- كاتژمێر 11 تاكو كات 12 پیتی ــ ر،ز،ژ
- كاتژمێر 12 تاكو كات 1 پیتی ــ س، ش، ص، چ، ڤ
رۆژی یەكشەممە بەرواری 5-4-2020
- كاتژمێر 8 تاكو كات 9 پیتی ــ گ، ع، غ، ف
- كاتژمێر 9 تاكو كات 10 پیتی ــ ق، ك، گ، ل
- كاتژمێر 10 تاكو كات 11 پیتی ــ م
- كاتژمێر 11 تاكو كات 12 پیتی ــ ن، هـ
- كاتژمێر 12 تاكو كات 1 پیتی ــ و، ی

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو