‎دەرباز كۆسرەت رەسوڵ: درێژەپێدەری رێبازی شەهیدان دەبن و بەوەفا دەبن بەرامبەر خوێنی شەهیدان

  2020-05-17 22:26      318 جار بینراوە        کۆمێنت

لەساڵیادی شەهیدانی باڵەكایەتی و شەهیدكردنی سەركردە حەسەن كوێستانی ‎دەرباز كۆسرەت ڕەسول سەردانی بالەكایەتی كرد. 
‎نیوەڕۆی ئەمڕۆ یەكشەممە (17/5/2020) لەساڵڕۆژی شەهیدانی باڵەكایەتی و شەهیدكردنی شەهیدی سەركردە حەسەن كوێستانی، دەرباز كۆسرەت رەسول كارگێڕی مەكتەبی سیاسی یەكێتیی نیشتمانیی كوردستان بەهاوڕێیەتی بورهان سەعید سۆفی لێپرسراوی مەكتەبی شەهیدان و ئەندامی مەكتەبی سیاسی و د.مەجید حەمەدەمین، شادومان مەلا حەسەن سەردانی باڵەكایەتی كردو تاجەگوڵینەی مەكتەبی سیاسی لەسەر گڵكۆی شەهیدی سەركردە حەسەن كوێستانی و هەڤاڵانی دانا.
سەرەتا دەرباز كۆسرەت رەسول و وەفدی هاوڕێی سەردانی مەڵبەندی ٦ی سۆرانی كردو لەلایەن هەڤاڵ زوبێر عوسمان لێپرسراوی مەڵبەندو هەڤاڵانی مەڵبەندەوە پێشوازییان لێكراو وتەیەكی لەبارەی دۆخی كوردستان پێشكەشی هەڤاڵانی مەڵبەندی سۆران كرد.
دواتر وەفدی مەكتەبی سیاسی بەهاوڕێیەتی زوبێر عوسمان لێپرسراوی مەڵبەندی سۆران و هەژار حەسەن كوێستانی ئەندامی سەركردایەتی سەردانی ئارامگەی شەهیدی سەركردە حەسەن كوێستانیان كردو تاجەگوڵینەی مەكتەبی سیاسیان لەسەر گڵكۆی شەهیدی سەركردە حەسەن كوێستانی و هاوڕێیانی دانا.
‎هەر لەوێ و لەبەرامبەر گڵكۆی شەهیداندا، دەرباز كۆسرەت رەسول كارگێڕی مەكتەبی سیاسی باسی لەڕۆڵی شەهیدی سەركردە حەسەن كوێستانی و هاوڕێكانی كردو رایگەیاند: درێژەپێدەری رێبازی شەهیدان دەبن و بەوەفا دەبن بەرامبەر خوێنی شەهیدان و باسی لەقارەمانێتی خەڵكی باڵەكایەتی كردو وتی: یەكێتیی نیشتمانیی كوردستان قەرزاری باڵەكایەتییەو پێویستە باشترین خزمەتی دانیشتوانی ئەو ناوچەیە بكات، بەتایبەتی ئەوانەی سووتەمەنی شۆڕش بوون و بەخوێن و گیان و ژیانی خۆیان بەرگریان لەكوردو كوردستان كردووە.
‎هەر ئەمڕۆو لەدرێژەی سەردانەكەیاندا بۆ باڵەكایەتی خەبات و قوربانیدان، وەفدی مەكتەبی سیاسی یەكێتی نیشتمانی كوردستان سەردانی ماڵی مامۆستا مەلا حەسەن و حاجی برایمی دیلمان باوكی شەهیدی فەرماندە سەڵاح دیلمانی كردو وەفاو رێزی یەكێتی بۆ سەرجەم. خانەوادە تێكۆشەرەكانی ناوچەكە دووپات كردەوە.
‎لەدوایین وێستگەی سەردانەكەیاندا، دەرباز كۆسرەت رەسول سەردانی ئارامگای شەهید سەڵاح دیلمانی و گۆڕستانی بەرگركە لەدۆڵی خانەقا كرد، كە گۆڕی زیاتر لە ٧٠ شەهیدی یەكێتیی نیشتمانیی كوردستانی لێیە، لەبەرامبەر گڵكۆی شەهیداندا دەرباز كۆسرەت رەسول و وەفدی هاوڕێی دووپاتیان كردەوە كە یەكێتی حزبی تێكۆشەران و خانەوادەی سەربەرزی شەهیدانەو لەسەر شاڕێی شەهیدان بەردەوام دەبێ لەخەباتكردن لەپێناو گەلی كوردستاندا.

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو