مەترسییەكانی خەوتن بە عەدەسەوە

  2018-08-19 10:55      299 جار بینراوە        کۆمێنت
خەوتن بە عەدەسەوە مەترسیی بۆ چاو هەیە


توێژینەوەیەكی نوێ دەریخستووە خەوتن بە عەدەسەوە مەترسی توشبوون بە هەوكردنی چاوەكان بە ڕادەی هەشت ئەوەندە زیاتردەكات لەو كەسانەی كە عەدەسە لەچاو ناكەن، لە هەمان كاتدا زیانی درێژخایەن بە چاوەكان دەگەیەنێت.
ماڵپەڕی سكای نیوز بڵاویكردووەتەوە: هەندێكجار عەدەسە لە چاویلكەی پزیشكی باشترە، بەتایبەت بۆ ئەو كەسانەی كە وەرزش دەكەن و جوڵەیان زۆرە تا لە مەترسی شكانی چاویلكە بەدووربن، بەڵام خەوتن بە عەدەسەوە مەترسی بۆ چاوەكان دەبێت.
باسی لەوەش كرد، چاو یەكێكە لەو ئەندامانەی پێویستی بە ماددەی خۆراكی گرنگ و ئۆكسجین هەیە، بەڵام خەوتن بە عەدەسەوە ڕێگە دەگرێت لەوەی ئۆكسجین و خۆراكی تەواو بە خانەكانی چاو بگات، لەكاتێكیشدا ئۆكسجین نەگات بە چاوەكان ئەوا ئەگەری پیسبوونی چاوەكان و توشبوونی بە بەكتریا زیاتردەبێت، ئەمەش ئەگەری هەیە ببێتەهۆی توشبوون بە هەوكردنی بیلبیلەكان و لە هەندێك حاڵەتیشدا ئەگەری تێكچوونی بیلبیلە و لەدەستدانی توانای بینین زیاد دەبێت.
ئا: شێنێ عەبدوڵڵا

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو