فەیسەڵ عەلی

بــایـەخـی تــوێـژیـنەوە

  2020-12-19 19:44      120 جار بینراوە        کۆمێنت

لەوڵاتی خۆمان زۆرێكی دامەزراوە كارگێڕییەكان بایەخێكی ئەوتۆ بەژمارەو ئامارو داتا نادەن، هەروەها زۆرێكی ئەوانەی دەچنە بواری كارو بزنس لەناو بازاڕو كۆمەڵگە، زۆرجار شكست دێنن لەبەر ئەوەی بەباشی ئەو واقیعەی هەیە نەخوێندۆتەوە.
گرنگی نەدان بەلێكۆڵینەوە
بەشێكی زۆری دوای چاولێكردن دەكەوێت و كۆپی ئەویتر دەكات، ئەگەر تەماشایەكی شەقامەكانی شارەكانی خۆمان بكەین، چێشتخانە، فاست فود، لەفەی گەس، كافی، قاوەخانە، دەرمانخانە، بەنزینخانەو هتد ریزیان بەستووە، كە لەژمارە نایەن، ئەوە كێشە گەورەكەیە، كە بۆتە كۆسپێكی گەورەی بەردەم پێشكەوتنی پڕۆژەی بچووك و مامناوەند بۆ ئەوەی قازانج بكەن و بتوانن پەرە بەپڕۆژەكانیان بدەن بەشێوەیەكی ئاسایی‌و دواتر ببنە پڕۆژەی گەورە، وەك ئەوانەی دەوڵەتانی تر، هەمان رێچكە بگرنەبەر، لێوەی دەرفەتی كاری زیاتر بڕەخسێنن و سەرمایەیەكی گەورەتر پێكەوە بنێن.
دەشێ یەكێك بڵێت ئەو داتاو ئامارانەی بەدوایدا دەگەڕێی نییە یان ئەگەر هەشبێت دروست نین، ئەوە حەقیقەتە، بەڵام لەبنەڕەتدا هۆكارەكەی بۆ گرنگی نەدان بە لێكۆڵینەوە دەگەڕێتەوە، ئەو لیكۆڵینەوەی دەرئەنجامی هۆشیاریی تەواو بە داتاو ئامار بەرهەم دێت و بڕیارەكانی لەسەر بونیاد دەنرێت، زۆرێك لەدامەزراوە حكومی و ئەهلییەكان بڕیارێكی زۆر دەردەكەن بەبێ ئەوەی زانیاری و داتایان سەبارەت بەو واقیعە هەبێت كە بڕیارەكەی لەسەر دەردەكەن، ئەوان زیاتر بڕیار لەسەر بنەمای تێڕوانین و پێشبینی خۆیان دروست دەكەن، نەك لەسەر بنەمای لێكۆڵینەوە و زانیاری، لەبەر ئەوە دەبینرێت زۆرێكی بڕیارەكان جێی خۆی ناگرێت و كێشەكە وەك خۆی دەمێنێتەوەو گلەیی و گازندەی لێدەكەوێتەوە، وێڕای ئەوەی پارەو كاتی زۆریش بەهەدەر دەدرێت، هەروەها ناوبانگیش لەدەست دەدەن.
فەرمانگەكانی ئامار
لەواقیعدا ناكرێ هەر دامەزراوەیەك بۆ خۆی داتاو ئامار كۆبكاتەوە یان نووسینگەیەكی ئامارو داتاو زانیاری بكاتەوە بۆ ئەوەی لەكاتی بڕیاردا پشتیان پێ ببەستێت، بەڵكو ئەم رەوشە دەخوازێت زیاتر بایەخ بەبواری لێكۆڵینەوەو فەرمانگەكانی ئامار بدرێت، ئەوە زامنی بەدەستهێنانی داتا و ئاماری دروستمان بۆ دەكات لەو دامەزراوانەش دەمانپارێزێت كە بەبێ بنەما توێژینەوە دەفرۆشنەوە، هەروەها بەبێ ئاگا لە واقیعی ئێرە خۆیان بەبێ ركابەر دادەنێن. دەكرێ هەنگاوێكی كارا لەم رووەوە بنرێت لەڕێی بەهێزكردن و گرنگیدان زیاتر بەفەرمانگەكانی ئامارو بەشی ئاماری ناو دامەزراوە هەمەجۆرەكان لەڕێی دانانی شارەزایانی ئامار تێیاندا تاوەكو بەشێوەیەكی زانستی داتاو ئامارو زانیارییەكان كۆبكرێنەوەو پۆلێن بكرێن و بدرێنە توێژەران و لەكاتی پێویستدا بخرێنە بەردەست دروستكارانی بڕیار.
لەبەرژەوەندیی هەمووان دەشكێتەوە
ئەم رەوشە لێمان دەخوازێت كە كار لەسەر بونیادنانی مەنزومەیەكی تەواوكار بكەین كە بتوانرێ لێوەی هەموو دامەزراوەكانمان چیتر لەسەر بنەمای پێشبینی‌و رای من و رای تۆ بڕیار لەهیچ كەیسێك نەدرێت، بەڵكو دامەزراوەكان بە تۆڕێكی داتاو زانیاری و توێژینەوە بە یەكەوە گرێ بدرێن، كە لەكۆتاییدا لەبەرژەوەندیی هەمووان دەشكێتەوە، ئەوكات بڕیارەكان بەهەماهەنگی یەكتر دروستدەكرێت و رێژەی نادروستی بڕیار كەمدەبێتەوە، وێڕای ئەوەی پارەو كاتی زۆریش بەهەردەر ناچن، رەزامەندی هاووڵاتیانیشی لێدەكەوێتەوە.
* سەرۆكی مونتەدای ئابووریی كوردستان

وتاری زیاتر

خەون و پەرەسەندنی مرۆڤ‬ فەیسەڵ عەلی
2021-05-14 15:54      29 جار بینراوە


دووپشکیش سوودی خۆی هەیە‬ فەیسەڵ عەلی
2021-05-03 21:14      46 جار بینراوە

گەنجی بکوژ‬ فەیسەڵ عەلی
2021-04-26 23:18      45 جار بینراوە

قەیرانی كەشوهەواو خوێندن‬ فەیسەڵ عەلی
2021-04-25 18:13      49 جار بینراوە

تەڵەی درکاندن‬ فەیسەڵ عەلی
2021-04-24 15:29      41 جار بینراوە



دراوی گریمانەیی و نالۆجیكی‬ فەیسەڵ عەلی
2021-04-12 19:30      62 جار بینراوە

تیمی مێروولەی سپی‬ فەیسەڵ عەلی
2021-04-05 18:23      83 جار بینراوە

تەنەکەی خۆڵ‬ فەیسەڵ عەلی
2021-03-29 19:16      120 جار بینراوە

بیتـكۆیـن دراوێـكی ئــاڵـــۆز‬ فەیسەڵ عەلی
2021-03-27 13:56      60 جار بینراوە

ریفۆرم لەنێوان نییەت و واقیعدا‬ فەیسەڵ عەلی
2021-03-22 19:19      60 جار بینراوە

گەنجیی زانكۆو پیربوونی‬ فەیسەڵ عەلی
2021-03-14 14:02      73 جار بینراوە

حەقیقەتی درۆ‬ فەیسەڵ عەلی
2021-03-08 21:26      57 جار بینراوە



مێژووی یارییەک‬ فەیسەڵ عەلی
2021-03-04 21:08      95 جار بینراوە

ناسەنتراڵی و حوكمڕانیی چاك‬ فەیسەڵ عەلی
2021-02-28 21:08      78 جار بینراوە

فێڵێک ناوی نۆبڵە‬ فەیسەڵ عەلی
2021-02-27 13:57      78 جار بینراوە


هەڵكشانی نرخی نەوت‬ فەیسەڵ عەلی
2021-02-22 14:10      107 جار بینراوە


بۆ دواده‌که‌وین ‬ فەیسەڵ عەلی
2021-02-14 15:41      90 جار بینراوە



کەلتووری شۆستە‬ فەیسەڵ عەلی
2021-02-06 22:31      95 جار بینراوە


نەمدەزانی‬ فەیسەڵ عەلی
2021-01-25 17:51      100 جار بینراوە


نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو